Pandemiya dövründə 15 mindən çox şəxsə evində gündəlik sosial xidmətlər göstərilib
13:21 22 Dekabr 2020
"Sosial xidmət sistemində tibbi modeldən sosial reabilitasiya modelinə keçid işləri aparılır".
Femida.az xəbər verir ki, bunu Əmək və Əhalinin Sosial Müdafiəsi naziri Sahil Babayev İşgəncələrin və qeyri-insani yaxud ləyaqəti alçaldan rəftar və ya cəza növlərinin qarşısının alınması üzrə Avropa Komitəsinin nümayəndə heyəti ilə görüşündə deyib.
Nazir Azərbaycanda sosial xidmətlər sisteminin qabaqcıl dünya təcrübəsi əsasında inkişaf etdirilməsi, çətin həyat şəraitində yaşayan şəxslərin sosial xidmətlərlə dolğun əhatə olunması üçün aparılan işləri qeyd edib. Həmin şəxslərin bu xidmətlərə əlçatanlığının artırılmasının, sosial xidmət sahəsində müasir yanaşmaların tətbiqinin, ixtisaslı kadr potensialı formalaşdırılmasının əsas hədəflərdən olduğunu diqqətə çatdırıb.
Bildirib ki, ölkəmizdə çətin həyat şəraitində yaşayan şəxslər üçün çoxspektrli sosial xidmətlər sistemi qurulub. Bu sistem müvafiq kateqoriyalardan olan şəxslərin müdafiəsinə, sosial reabilitasiyasına və cəmiyyətə inteqrasiya imkanlarına malik olmalarına yönəlib. Əsas məqsəd sosial xidmətlə əhatə olunan insanların həyatlarında olan çətinlikləri bu xidmətlər nəticəsində aradan qaldırmaq, onların rifahında ciddi müsbət dönüşə nail olmaqdır.
S.Babayev son illərdə yeni yaradılan sosial xidmət müəssisələri, sosial sifarişlər əsasında minlərlə şəxsin reabilitasiya yönümlü sosial xidmətlərlə əhatə olunduğu, bu sahədə layihələrin ildən-ilə genişləndiyi barədə məlumat verib.
Sosial xidmət müəssisələrində 1000-dək vətəndaşın tam dövlət təminatında olduğunu qeyd edən nazir həmin vətəndaşlara həssas və qayğıkeş münasibət göstərilməsinin fəaliyyətdə əsas prinsip olduğunu diqqətə çatdırıb. Onların pandemiyadan qorunması üçün aparılan işləri, pandemiya dövründə 15 mindən çox 65 yaşdan yuxarı tənha və əlilliyi olan şəxsə evlərində gündəlik sosial xidmətlər göstərildiyini deyib. Sosial xidmət müəssisələrində müasir yaşayış və reabilitasiya şəraitinin yaradıldığını, yaxın günlərdə daha bir sosial xidmət müəssisənin də əsaslı təmir və yenidənqurmadan sonra açılacağını deyib.
İşgəncələrin və qeyri-insani yaxud ləyaqəti alçaldan rəftar və ya cəza növlərinin qarşısının alınması üzrə Avropa Komitəsinin sədri və nümayəndə heyətinin rəhbəri Mikola Qnatovskiy Azərbaycanda sosial xidmət müəssisələrində müasir tələblərə uyğun şəraut yaradılmasının, ölkədə bu sahənin inkişafı üçün aparılan işlərin təqdirəlayiq olduğunu bildirib.
Görüşdə vətəndaşların keyfiyyətli sosial xidmətlərlə təmin edilməsi sahəsində Nazirlik tərəfindən görülən işlər, nümayəndə heyətinin ölkəmizə səfərinin, 1 saylı Psixonevroloji Sosial Xidmət müəssisəsində apardığı monitorinqin nəticələri, sosial xidmət müəssisələrində göstərilən xidmətlərlə bağlı fikir mübadilələri aparılıb.
Femida.az
Oxunub: 592
Oxşar xəbərlər
- Pandemiya baxımından ən təhlükəli ölkələr məlum olub
- Pandemiyadan ən çox zərər çəkən ölkələr məlum olub
- Pandemiya ərzaqlıq buğdanın qiymətinin artımına səbəb olub
- Pandemiya nə zaman başa çatacaq? - Həkim
- Pandemiya ilə əlaqədar sabahdan yeni qaydalar qüvvəyə minəcək
- Pandemiya nə vaxt bitəcək? - Hamının gözlədiyi suala cavab gəldi
- Pandemiya 124 milyondan çox insanı yoxsul edib
- Pandemiyadan zərər çəkmiş sahibkarlar 20 milyon manat subsidiya alıb
- Pandemiyadan zərər çəkən vergi ödəyicilərinə 102 mln. manat ödənilib
- Pandemiya dövründə bu sahədə gəlirlər artıb