Gömrükçülər qaçaqmal partlayıcı müsadirə etdi
21:31 21 Dekabr 2015
Dəfələrlə xəbərdarlıq edilməsinə baxmayaraq, yenə də bayram günləri ərəfəsində bəzi işbazlar Azərbaycanın gömrük ərazisinə gömrük qaydalarını pozmaqla, qaçaqmalçılıq yolu ilə mülki dövriyyəsi məhdudlaşdırılmış, istifadəsi yüksək səs-küylə müşayiət olunan və insan sağlamlığına mənfi təsir göstərən pirotexniki və tezalışan mallar gətirməyə cəhd göstərirlər. Ancaq gömrükçülərin səyi nəticəsində bu kimi halların qarşısı qətiyyətlə alınır.
Femida.az-ın xəbərinə görə, bu barədə Dövlət Gömrük Komitəsi Mətbuat Xidmətinin məlumatında deyilir.
Məlumatda deyilir ki, bu günlərdə gömrükçülərin aşkar etdiyi 2 fakt üzrə qaçaqmalçılıq yolu ilə Gürcüstandan ölkəmizə gətirilən külli miqdarda yayım fişəngləri, pirotexniki və tez alışan malların realizə olunmasının qarşısı alınıb.
Belə ki, Gömrük Sahəsində Hüquqpozmalara Qarşı Mübarizə Baş İdarəsinin Əməliyyat İdarəsinə müxtəlif növ, külli miqdarda yayım fişənglərinin, pirotexnik və tez alışan malların qaçaqmalçılıq yolu ilə ölkəmizə gətirilərək qanunsuz satılması barədə əməliyyat məlumatı daxil olub. Daxil olan məlumat əsasında gömrükçülər Bakı şəhəri Xəzər rayon Qala qəsəbəsi Xaşa-Xuna bağları adlanan ərazisində Azərbaycanın vətəndaşları Əkbərov Sofiq Əfsər oğlu və Xamıyev Şirvan Əliheydər oğlu tərəfindən sonuncunun idarə etdiyi “Opel Zafira” markalı 99-GT-594 dövlət nömrə nişanlı minik avtomobilinə yüklənən və ərazidəki ünvansız tikilidən ümumilikdə 15 ədəd karton qutulardan 22 adda 7800 ədəd pirotexniki vasitələr aşkar ediblər.
Gömrük Sahəsində Hüquqpozmalara Qarşı Mübarizə Baş İdarəsinin Əməliyyat İdarəsi əməkdaşlarının Bakı Beynəlxalq Avtovağzalının ərazisində keçirdiyi digər bir əməliyyatda da Azərbaycan vətəndaşı Əkbərov Asim Şükür oğlunun idarə etdiyi “Opel Astra” markalı 99-DZ-244 dövlət nömrə nişanlı minik avtomobilinin yük yerindəki malları Azərbaycan vətəndaşı Nadirli Asim Həbib oğluna satmaq istəyərkən saxlanılıb. Baxış zamanı avtomobildən və A. Nadirlinin ticarət mərkəzlərindən birində icarəyə götürdüyü anbardan aşkar edilən 16 ədəd karton qutu, 3 ədəd sellofan və 1 ədəd ağ rəngli kisədən 31 adda 15 269 ədəd pirotexniki vasitələr aşkar edilərək götürülüb.
Hər iki faktla bağlı araşdırma aparılır.
Oxunub: 873
Oxşar xəbərlər
- Gömrükçülər ölkəyə pirotexniki vasitə gətirilməsinin qarşısını alıb
- Gömrükçülər müdhiş fırıldağın üstünü açdı
- Gömrükçülər metadon məhlulu aşkarlayıb
- Gömrükçülər 37 ədəd fişəng aşkarladı
- Gömrükçülər külli miqdarda siqaret müsadirə edib
- Gömrükçülər külli miqdarda siqaret müsadirə edib
- Gömrükçülərdən `Winston` əməliyyatı
- Gömrükçülər zərgərlik məmulatı aşkar edib
- Gömrükçülər İran vətəndaşını saxlayıb
- Gömrükçülər üçün növbəti milli seminar keçirilir