Çində ultramarafon zamanı 21 nəfər donaraq ölüb
11:26 23 May 2021
Çinin Qansu əyalətində 100 km-lik ultramarafon zamanı 21 idmançı donaraq ölüb.
Femida.az -ın məlumatına görə, yüksək dağlıq əraziyə marafon mayın 22-də səhər vaxtı günəşli havada start götürüb. Lakin yerli vaxtla saat 13:00-da hava şəraiti kəskin dəyişib, buz yağışı, dolu və qasırğa küləyi başlayıb.
Temperatur kəskin aşağı düşdükdə qaçışçıların bəziləri havaların soyuduğu barədə məlumat verib, digərləri isə itkin düşüblər. Təşkilatçılar yarışı ləğv ediblər və çətin əraziyə hərtərəfli axtarışlardan ötrü 1 200 nəfərlik axtarış qrupu ayırıblar. Axtarış işləri hətta qaranlıq düşdükdən sonra da davam edib.
172 iştirakçıdan 151-i sağ qalıb. Onlardan 8-i xəstəxanaya yerləşdirilib. 21 nəfər isə ölü halda tapılıb.
Qeyd edək ki, ölənlər arasında iki milli rekordun sahibi Lyan Tszin də olub. O, 2014-cü ildə 149,51 km, 2018-ci ildə isə 151,2 km məsafəni qət edərək, ölkə səviyyəsində ən yüksək nailiyyətə imza atıb.
Oxunub: 866
Oxşar xəbərlər
- Çində koronavirusun "omikron" ştamının yeni alt növü müəyyən edilib
- Çində partlayış olub, ölən və yaralanan var
- Çində təhsil alan azərbaycanlı idmançı vəfat edib
- Çində güclü leysan-73 ölüm
- Çində yanğın 14 nəfərin ölümünə səbəb oldu
- Çində avtobusla yük maşını toqquşub, ölənlər var
- Çində metro su ilə doldu, ölənlər və yaralılar var
- Çində partlayış zamanı 11 nəfər ölüb, 144 nəfər yaralanıb
- Çində dəmir filizi mədənini su basıb, 14 nəfər itkin düşüb
- Çində kömür mədənində partlayış olub, ölən var