Bank müdirini öldürənlərə - Ömürlük həbs verildi
20:20 12 Yanvar 2016
Bu gün Bakı Ağır Cinayətlər Məhkəməsində bu ilin aprelin 22-də “Avropa” otelinin idman zalında öldürülən “Zaminbank”ın Nəsimi filialının müdiri Azər Məmmədovun qətlə yetirilməsində təqsirləndirilən Mövlud Səfərov və Sənan Quliyevin cinayət işi üzrə məhkəmə prosesi davam etdirilib.
Femida.az-ın “Qafqazinfo”ya istinadən verdiyi xəbərə görə, hakim Səbuhi Hüseynovun sədrliyi ilə keçirilən prosesdə hökm oxunub. Təqsirləndirilən Sənan Quliyev ömürlük, Mövlud Səfərov isə 20 il müddətinə azadlıqdan məhrum edilib.
Xatırladaq ki, bu il aprelin 21-də otelin nəzdində yerləşən idman zalında münaqişə zəminində Bakı şəhər sakinləri, 1985-ci il təvəllüdlü Azər Aydın oğlu Məmmədov ürək nahiyəsindən 3 bıçaq xəsarəti və 1971-ci il təvəllüdlü Ruslan Zakir oğlu Əfəndiyev döş qəfəsinin ön səthinin sol tərəfindən kəsilmiş 2 bıçaq xəsarəti alıb. A. Məmmədov aldığı bıçaq xəsarətdən hadisə yerində ölüb, R. Əfəndiyev isə xəstəxanaya yerləşdirilib və həkimlərin səyi nəticəsində həyatını xilas etmək mümkün olub. Hadisəni törədən Bakı şəhər sakini, 1987-ci il təvəllüdlü Sənan Təvəkkül oğlu Quliyev və onun dostu Mövlud Səfərov tutulub. S.Quliyev və M.Səfərov Cinayət Məcəlləsinin 221.2.1, 221.2.2, 120.2.1, 120.2.2, 120.2.3, 29, 120.2.1, 29, 120.2.2, 29, 120.2.3 və 29,120.2.7-ci maddələri ilə ittiham ediliblər.
Oxunub: 1093
Oxşar xəbərlər
- Banklar ötən ilin 11 ayını mənfəətlə başa vurub
- Banklardan 3 milyon oğurlayan kibercinayətkar Azərbaycana gətirilib
- Banklar gücləndirilmiş iş rejimində işləyəcək
- Bank işçisi tutuldu - 425 min dollarlıq dələduzluq
- Banklar Qarabağa pul köçürən şirkətə veto qoydu
- Bankomatların sayı artıb
- Bankomatdan 40 min manat oğurlanıb
- Banklarda gecikmiş kreditlərin məbləği artıb
- Bankomatların sayı azalmaqdadır
- Bank sektorunda izafi likvidlik var - Mərkəzi Bank