Neftçala sakini 40 manat borca görə həmyerlisinə atəş açıb
14:22 03 Fevral 2022
Neftçala sakini 40 manat borca görə həmyerlisinə atəş açıb.
Bu barədə Femida.az-a Daxili İşlər Nazirliyinin (DİN) Mətbuat Xidmətindən məlumat verilib.
Bildirilib ki, Neftçala Rayon Polis Şöbəsinə fevralın 1-də Ballıcallı kəndi ərazisində Salyan rayon sakini T.Fətullayev istiqamətində tüfəngdən atəş açılması barədə məlumat daxil olub.
Dərhal polis əməkdaşları tərəfindən müvafiq tədbirlər həyata keçirilib.
Araşdırmalarla müəyyən edilib ki, həmin gün saat 19 radələrində T.Fətullayev idarə etdiyi avtomobilə sərnişin qismində əyləşmiş Xıllı qəsəbə sakini, əvvəllər məhkum olunmuş E.Quliyevə verdiyi 40 manat borc pulu və gediş haqqını almaq üçün onun qayınatası, Ballıcallı kənd sakini N.Abbasovun yaşadığı evin həyətinə gəlib. Bu zaman N.Abbasov xuliqanlıq zəminində T.Fətullayevin istiqamətində tüfəngdən atəş açıb. Xəsarət alan olmayıb.
Polis əməkdaşları tərəfindən görülmüş tədbirlərlə E.Quliyev və N.Abbasov saxlanılıblar.
N.Abbasovdan qanunsuz saxladığı “İJ-16” markalı tüfəng götürülüb.
Davam etdirilən tədbirlərlə E.Quliyevin yaşadığı evə baxış zamanı oradan heroin aşkar edilərək götürülüb.
Oxunub: 343
Oxşar xəbərlər
- Neftçalada 49 yaşlı kişi tanışı tərəfindən bıçaqlanıb
- Neftçalada 12 yaşlı yeniyetmə kollektorda boğulub
- Neftçalada yol qəzası olub, xəsarət alanlar var
- Neftçalada sabiq və indiki bələdiyyə sədrlərinə cinayət işi başlanılıb
- Neftçalada 3 nəfər bıçaqlanıb
- Neftçalada inək 63 yaşlı kişini vuraraq öldürüb
- Neftçalada 51 yaşlı kişi bıçaqlanıb
- Neftçalada sevdiyi qızın ölümünə dözməyən gənc özünü asıb
- Neftçalada 23 yaşlı gənc intihar edib
- Neftçalalı tələbənin Ukraynada rus əsgərlərinin girovluğunda olduğu iddia edilir