Rasim Məmmədovun apellyasiya şikayəti təmin edilməyib
12:55 10 Fevral 2022
Özünü “İctimai Nəzarət Koalisiyası” İctimai Birliyinin sədri kimi təqdim edən Rasim Məmmədovun apellyasiya şikayəti təmin edilməyib.
Bu barədə Femida.az-a onun vəkili Kamandar Nəsirov məlumat verib.
O bildirib ki, Sumqayıt Apellyasiya Məhkəməsinin hakimi Ruhiyyə Əsgərova apellyasiya şikayətinin təmin edilməməsi barədə qərar çıxarıb: “Biz ittihamla razı deyilik”.
Xatırladaq ki, R.Məmmədov məhkəmənin barəsində seçilmiş həbs qətimkan tədbiri qərarından apellyasiya şikayəti vermişdi.
Qeyd edilib ki, rəsmi məlumata əsasən, vətəndaş R.Məmmədov 2021-ci il sentyabrın 17-də Sumqayıt şəhərində yerləşən “Azmetal” MMC-yə gələrək heç bir əsaslı səbəb olmadan oranın direktor müavini Ramiz Hüseynovun ünvanına nalayiq söyüşlər söyüb çölə çıxmasını tələb edib.
R.Hüseynov həyətə düşdükdən sonra R.Məmmədov təkrar olaraq onun ünvanına nalayiq ifadələr işlədib və əlindəki mobil telefonla MMC-nin anbardarı Sabir İsmayılovun baş nahiyəsinə 3 dəfə zərbə vuraraq ona müxtəlif dərəcəli bədən xəsarəti yetirməklə qərəzli xuliqanlıq hərəkətləri edib.
Faktla əlaqədar Sumqayıt Şəhər Polis İdarəsində müvafiq araşdırma aparılıb və araşdırmanın nəticəsinə uyğun olaraq Cinayət Məcəlləsinin 221.3-cü maddəsi ilə cinayət işi başlanılıb.
Fevralın 3-də R.Məmmədov qeyd olunan cinayət əməlini törətməkdə şübhəli bilinərək saxlanılıb. Sumqayıt Şəhər Məhkəməsinin qərarı ilə onun barəsində 3 ay müddətinə həbs qətimkan tədbiri seçilib.
Oxunub: 597
Oxşar xəbərlər
- Rasim Quliyevin apellyasiya şikayəti üzrə məhkəməsi keçirilib
- Rasim Quliyevin apellyasiya şikayəti üzrə məhkəməsi başlayıb
- Rasim Məmmədovun barəsində həbs qətimkan tədbiri seçilib
- Rasim Quliyevin apellyasiya şikayəti üzrə məhkəməsinin vaxtı məlum olub
- Rasim Əkbərovu bıçaqlayan şəxsin məhkəməsi başlayır
- Rasim Quliyevin məhkəməsində tikinti şirkətinin rəhbəri dindirilib
- Rasim Balayevin doğum günüdür
- Rasim Əliyev Prezidentin fəxri diplomu ilə təltif edilib
- Rasim Ocaqovun xatirəsi əbədiləşdirilib
- Rasim Balayevin səhhəti pisləşdi - Xəstəxanaya düşdü