Rumıniya Ukraynanı tərk etmək istəyən Azərbaycan vətəndaşlarını qəbul etməyə hazırdır
09:34 27 Fevral 2022
Ukraynadakı vəziyyətlə əlaqədar bu ölkədəki Azərbaycan vətəndaşlarının qonşu ölkələrin ərazisinə keçidi ilə bağlı diplomatik kanallarla əldə olunmuş razılıq əsasında Moldova Respublikası, Polşa Respublikası, Slovakiya Respublikası və Macarıstana quru yolla keçid imkanları ilə bağlı məlumat verilib.
Bu barədə Femida.az-a Azərbaycan Xarici İşlər Nazirliyindən (XİN) məlumat verilib.
Qeyd olunub ki, son iki gün ərzində Ukraynanın Moldova ilə olan Oknitsa və Palanka sərhəd-keçid məntəqələri vasitəsilə quru yolla 500-ə yaxın vətəndaşımız Moldova ərazisinə daxil olub. Vətəndaşlardan 50 nəfər Rumıniya ərazisindən hava yolu ilə Azərbaycana geri dönüb.
"Ukraynanın Polşa ilə olan sərhəd-keçid məntəqələrindən quru yolla Polşa Respublikasının ərazisinə 190 vətəndaşımız keçib. Ukraynadakı vəziyyətlə əlaqədar vətəndaşlarımıza hərbi obyektlərdən kənar olmalarını, evdə və ya təhlükəsiz yerdə qalmalarını, səyahətdən çəkinmələrini tövsiyə edirik.
Xüsusi hallar ilə bağlı vətəndaşlarımız Azərbaycan Respublikasının Kiyev şəhərindəki səfirliyi ilə (+380 73) 5050000 telefon xətti və [email protected] elektron poçt ünvanı, Xarkov şəhərindəki fəxri konsulluğu ilə (+38057) 7000531 telefon xətti və [email protected] elektron poçt ünvanı ilə məlumat əldə edə bilərlər.
Vəziyyətin inkişafından asılı olaraq əlavə məlumat vətəndaşlarımıza təqdim ediləcəkdir".
Oxunub: 406
Oxşar xəbərlər
- Rumıniya Ukraynaya silah verəcək
- Rumıniyanın ən iri neft emalı zavodunda partlayış olub, ölən və yaralananlar var
- Rumıniya Prezidenti İlham Əliyevi təbrik etdi
- Rumıniyanın dövlət başçısı Prezident İlham Əliyevi təbrik edib
- Rumıniya səfirliyinin əməkdaşı Kabildə terror aktı zamanı ölüb
- Rumıniyada oxumaq istəyənlərin nəzərinə! - Bu sənədlər lazımdır
- Rumıniya ilə təhsil əlaqələri genişlənir
- Rumıniyada 5,6 bal gücündə zəlzələ olub
- Rumıniya ilə Müştərək Komissiyanın Azərbaycan tərəfindən tərkibi dəyişdirilib
- Rumıniyalı deputat Qarabağdan danışdı: "Regionun sabitliyinə mane olur"