Ankarada Türkiyə-Azərbaycan-Türkmənistan arasında üçtərəfli görüş keçiriləcək
20:56 04 İyun 2022
Ankarada Türkiyə-Azərbaycan-Türkmənistan arasında üçtərəfli görüş keçiriləcək.
Bu barədə Femida.az Türkiyə mətbuatına istinadən xəbər verir.
Məlumata görə, Türkiyə-Azərbaycan-Türkmənistan üçtərəfli görüşü iyunun 6-da baş tutacaq.
Görüşdə Türkiyənin xarici işlər naziri Mövlud Çavuşoğlu, Azərbaycanın xarici işlər naziri Ceyhun Bayramov və Türkmənistanın xarici işlər naziri Rəşid Mərədov iştirak edəcək.
Çavuşoğlunun sözlərinə görə, yaxın günlərdə bir neçə ölkənin xarici işlər naziri Türkiyəyə səfər edəcək. O, qeyd edib ki, yaxın iki həftə ərzində Rusiya da daxil olmaqla 9 ölkənin xarici işlər nazirləri Türkiyəyə rəsmi səfər edəcək.
Türkiyənin ilk qonağı İranın xarici işlər naziri Hüseyn Əmirabdullahian olacaq. Abdullahiyanın Türkiyəyə ilk rəsmi səfərinin iyunun 6-da baş tutacaq.
Türkiyə iyunun 7-də Şimali Makedoniyanın xarici işlər naziri Bujar Osmanini qəbul edəcək. İyunun 8-də Niderlandın xarici işlər naziri Vopke Hukstranın iştirakı ilə Türkiyə-Niderland konfransı keçiriləcək. Bu, 2022-ci ilin yanvarında vəzifəyə başlayan Hukstran həmkarı Abdullahiyan kimi Türkiyəyə ilk rəsmi səfəri olacaq.
Çavuşoğlunun verdiyi məlumata görə, Türkiyə 8 iyunda dünya üçün əhəmiyyətli görüşə səhnə olacaq. Rusiyanın xarici işlər naziri Sergey Lavrov Qara dənizdə taxıl tankerləri üçün yaradılacaq təhlükəsiz dəhliz məsələsini müzakirə etmək üçün onu müşayiət edən hərbi nümayəndə heyəti ilə Türkiyədə olacaq.
Lavrovun səfərindən sonra Almaniyanın xarici işlər naziri Annalena Berbok da ilk dəfə iyunun 9-da Türkiyəyə rəsmi səfər edəcək.
Oxunub: 336
Oxşar xəbərlər
- Ankarada yaşayış binasında partlayış: ölənlər və yaralananlar var
- Ankarada açılan Azərbaycan Evi ilə bağlı iddialara aydınlıq gətirilib
- Ankarada zəlzələ olub
- Ankaradan 157 Azərbaycan vətəndaşı Bakıya çatdırılıb
- Ankarada 11 terrorçu həbs olunub
- Ankarada xəstəxana təxliyə edilir
- Ankarada zəlzələ oldu
- Ankarada da səslər yenidən hesablanacaq
- Ankarada qatar qəzası - Hərəkət iflic oldu
- Ankarada çoxmərtəbəli yaşayış binasının sakinləri təxliyə olundu