Deputatdan Şirvandakı partlayışla bağlı çağırış
23:23 26 İyul 2016
Yeni Azərbaycan Partiyasının (YAP) Siyasi təhlil və proqnozlaşdırma şöbəsinin müdiri, millət vəkili Aydın Mirzəzadə Şirvanda baş verən partlayışla bağlı çağırış edib.
Femida.az-ın verdiyi xəbərə görə, deputat KİV nümayəndələrini hadisə ilə bağlı məlumat yayarkən diqqətli olmağa səsləyib.
“Müdafiə Sənayesi Nazirliyinin Şirvan şəhərində yerləşən “Araz” silah zavodunda baş vermiş partlayış hadisəsi ölkə ictimaiyyətinin diqqətindədir. Hadisə ilə rəsmi qurumlar müvafiq məlumat veriblər, texnogen hadisə artıq nəzarət altına alınıb.
Ancaq xəbər saytlarında hərbi təyinatlı obyek barəsində geniş məlumatlar açıqlanmağa, partlamış mərmilərin şəkilləri çəkilərək yayılmağa başlanıb. Obyekt barəsində geniş məlumatların verilməsi, hərbi təyinatl məhsulların şəkillərin verilməsi bir vətəndaş kimi məni narahat edir.
Hamını informasiya yayılmasında ehtiyatlı olmağa çağırıram, düşmən yatmır, istənilən ehtiyatsız informasiya müdafiə qabiliyyətimizin zəifləməsinə, hərbi sirrin yayılmasına səbəb ola bilər”.
Xatırladaq ki, partlayış Müdafiə Sənayesi Nazirliyinin Şirvandakı ”Araz” zavodunda baş verib. Müdafiə Sənayesi Nazirliyinin yaydığı məlumata görə, partlayış nəticəsində ölən yoxdur, 11 nəfər yüngül xəsarət alıb.
Femida.az
Oxunub: 2237
Oxşar xəbərlər
- Deputatdan etiraz: “26 Bakı komissarı” abidəsi sökülməməli idi
- Deputatdan narazı vətəndaş hara müraciət etməlidir?
- Deputatdan AŞPA-ya çağırış: `Ermənistana təzyiq edin`
- Deputatdan `yorğan` məsəli ilə bağlı açıqlama - VİDEO
- Deputatdan ermənilərin havadarlarına - Sərt ismarış
- Deputatdan beynəlxalq qurumlara İRAD
- Deputatdan korlaşmaya qarşı təklif
- Deputatdan İlhamə Quliyeva ilə bağlı Baş prokurora - Müraciət
- Deputatdan qalmaqallı açıqlama : “ Çeçen liderləri satın alınmışdı”
- Deputatdan əlil seçicilərinə hədiyyə