Keçmiş rəisin arvadı məhkəmə qarşısında - 15 min manata görə...
20:11 22 Sentyabr 2016
Bakı Ağır Cinayətlər Məhkəməsində dələduzluqda təqsirləndirilən Leyla Əkbərovanın məhkəməsi davam etdirilib.
APA-nın məlumatına görə, iclasda zərərçəkmiş Ceyhun Tağıyev ifadə verib. O, həyat yoldaşını işə düzəltmək üçün L. Əkbərovaya 9 min manat pul verdiyini deyib. Zərərçəkmiş Leyla Cəfərova və Aynur Cəfərova özlərinə pensiya təyin etdirmək məqsədilə ona pul verdiklərini deyiblər. Zaur Elmanov isə bildirib ki, internat evinə işə düzəlmək üçün Leyla Əkbərova ilə 15 min manat verib.
L. Əkbərova zərərçəkənlərin hamısının yalan danışdığını iddia edib. O, Z. Elmanovdan 11 min manat aldığını və sonra qaytardığını deyib.
Qeyd edək ki, Binəqədi Rayon Polis İdarəsinin narkotiklərlə mübarizə şöbəsinin keçmiş rəisi Mahir Əkbərovun həyat yoldaşı L. Əkbərova özünü internat evinin müdiri kimi təqdim edərək dələduzluq etməkdə təqsirləndirilir. Cinayət Məcəlləsinin 178.3.2-ci (külli miqdarda dələduzluq) və 320-ci (saxta sənəd hazırlama) maddələri ilə ittiham olunur.
Məlumata görə, 95 saylı orta məktəbdə müəllimə işləyən Leyla Əkbərova əri Mahir Əkbərovun qardaşı Elçin Əkbərov vasitəsilə xaricə qaçmaq istəyirmiş. O, pasportunu dəyişdirərkən saxlanılıb. Elçin Əkbərov Ədliyyə Nazirliyi Penitensiar Xidmətinin 9 və 14 saylı məntəqə tipli cəzaçəkmə müəssisələrində rəis işləyib və hazırda Almaniyada mühacir həyatı yaşayır.
Adı dələduzluqda hallanan polis rəisi Mahir Əkbərov polis orqanlarından xaric edilib.
Oxunub: 1555
Oxşar xəbərlər
- Keçmiş MTN-in polkovnikləri məhkəmədə şok ifadə verib
- Keçmiş kürəkəni tərəfindən öldürüldü
- Keçmiş MTN generalına hökm oxunacaq - Bu gün
- Keçmiş bank sədri həbs edildi
- Keçmiş məhkum maşınla 4 nəfəri vurdu
- Keçmiş məhkum söyüş üstündə boğazından bıçaqlandı
- Keçmiş MTN generallarının məhkəməsinin vaxtı açıqlandı
- Keçmiş arvadını küçənin ortasında döydü
- Keçmiş məhkumun 10 ayda etdiyi oğurluq - SİYAHI
- Keçmiş icra başçısının evi yandı