Binəqədidə yeni keçid - Fotolar
14:16 04 Oktyabr 2016
Binəqədi rayonu 7-ci mikrorayon ərazisində inşa olunan Bakı Metropoliteninin “Dərnəgül” elektrik deposu ərazisində yeraltı piyada keçidi istifadəyə verilib.
“Bakı Metropoliteni” Qapalı Səhmdar Cəmiyyətinin mətbuat xidmətindən verilən məlumata görə, M.Əliyev küçəsi 3126-27-ci məhəllədə inşa olunan piyada keçidi ətraf ərazidə yaşayan sakinlərin rahatlığını təmin etmək məqsədi daşıyır. Belə ki, sakinlər tikintisi davam edən “Dərnəgül” elektrik deposunun həyətindən keçən müvəqqəti yoldan istifadə edirdilər. Bu da xüsusilə yağışlı havada bir sıra çətinliklər yaradırdı. Gələcəkdə depo ərazisindən keçməyin mümkün olmayacağını və sakinlərin rahatlığını düşünən Bakı Metropoliteni rəhbərliyi yeraltı piyada keçidi tikmək haqqında qərar qəbul etmişdi.
Uzunluğu 154,36, eni 4, hündürlüyü isə 2,3 metr olan piyada keçidi artıq sakinlərin istifadəsinə verilib. Layihəsi “Bakı Metropoliteni” QSC nəzdində fəaliyyət göstərən “Bakımetrolayihə” İnstitutu tərəfindən hazırlanan piyada keçidi Tikinti departamenti tərəfindən müasir standartlara cavab verən formada tikilib.
Femida.az
Oxunub: 1421
Oxşar xəbərlər
- Binəqədidəki yanğında təqsirləndirilənlərin şikayəti təmin edilmədi
- Binəqədidə ikimərtəbəli ev yandı
- Binəqədidə evləri talayan qardaşlar ələ keçdi
- Binəqədidə minik avtomobili yanıb
- Binəqədidəki yanğın söndürülüb, 3 nəfər yanıb
- Binəqədidə kafe yandı
- Binəqədidə azyaşlı xilas olundu
- Binəqədidə anbar yandı
- Binəqədidə yanan bina ilə bağlı məhkəmə olub
- Binəqədidə güclü yanğın olub