Elnur Nağızadə ilə bağı istintaq dayandırıldı
19:01 20 Oktyabr 2016
Tələbə Qəbulu üzrə Dövlət Komissiyasının (TQDK) keçmiş mətbuat katibi Elnur Nağızadə barəsində başlanmış cinayət işi üzrə istintaq dayandırılıb.
Femida.az APA-ya istinadən bildirir ki, E. Nağızadə ölkədən qaçdığına görə, barəsində beynəlxalq axtarış elan edilib, bununla bağlı cinayət işi üzrə istintaq dayandırılıb.
Qeyd edək ki, Bakı şəhər sakinləri Vüsal İbrahimov və Zaur Əsgərov hüquq-mühafizə orqanlarına verdikləri şikayət ərizələrində 2015-ci ilin avqust ayında Elnur Nağızadəyə işə düzəlmək məqsədilə 150 min ABŞ dolları verdiklərini bildiriblər. Onlar işlə təmin olunmadıqlarını və pullarını geri ala bilmədiklərini vurğulayıblar.
Elnur Nağızadə ilə bağlı daxil olmuş şikayət əsasında Baş Prokuror yanında Korrupsiyaya Qarşı Mübarizə Baş İdarəsində fakta görə Cinayət Məcəlləsinin 178.3.2-ci (dələduzluq), 308.1-ci (vəzifə səlahiyyətlərindən sui-istifadə etmə) və 320.1-ci (rəsmi sənədləri, dövlət təltiflərini, möhürləri, ştampları, blankları saxtalaşdırma, hazırlama, satma və ya saxta sənədlərdən istifadə etmə) maddələri ilə cinayət işi başlanıb.
O, təqsirləndirilən şəxs qismində cəlb edilməklə barəsində məhkəmənin qərarı ilə həbs qətimkan tədbiri seçilərək axtarışa verilib.
Femida.az
Oxunub: 2220
Oxşar xəbərlər
- Elnur Nağızadən rəsmi axtarışa verildi - FOTOLAR
- Elnur Hüseynzadənin azad edilməsi üçün tədbirlər görülür - RƏSMİ (YENİLƏNİB)
- Elnur Aslanov işdən çıxarılıb - SON DƏQİQƏ
- Elnur Nağızadə axtarışa verildi
- Elnur Nağızadəyə qarşı cinayət işi açıldı - Korrupsiya
- Elnur Nağızadəyə qarşı 150 minlik dələduzluq ittihamı
- Elnur Nağızadə işdən çıxmasından danışdı