Gənc qadının intihar səbəbi - Votsapda
15:07 01 Noyabr 2016
Bakıda 26 yaşlı qadın intihara cəhdinin səbəbləri məlum olub.
Femida.az Musavat.com-a istinadən xəbər verir ki, Xəzər Rayon Prokurorluğunda aparılan araşdırmalar rayon sakini H.Ə.-nin (ailəsini və özünü nəzərə alaraq, qadının adını gizli saxlayırıq) özünü öldürməyə cəhd etməsinin motivini üzə çıxarıb.
1990-cı il təvəllüdlü H.Ə. Lev Starçuk küçəsində yaşadığı binanın üçüncü mərtəbəsindən özünü atıb. O, ağır vəziyyətdə 3 saylı Şəhər Kliniki Xəstəxanasına çatdırılıb. Xəstəxanadan əldə etdiyimiz məlumata görə, 26 yaşlı qadın hazırda reanimasiya şöbəsindədir və vəziyyəti ağır olaraq qalır.
Məlumata görə, araşdırmalar zamanı məlum olub ki, H.Ə.-nin intihara cəhdinə sevgilisinin ondan ayrılması səbəb olub. Daha doğrusu, onunla yaxın münasibətdə olan kişi evlənməkdən imtina edib. H.Ə. isə hamilə olduğunu düşünüb və özünü öldürmək qərarına gəlib. O özünü atmazdan əvvəl Votsapla keçmiş sevgilisinə vida ismarışı da yazıb.
Xəstəxanaya gətirilən H.Ə.-nin hamilə olmadığı üzə çıxıb.
Faktla bağlı Xəzər Rayon Prokurorluğunda Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlanılıb, araşdırmalar davam etdirilir.
Oxunub: 2516
Oxşar xəbərlər
- Gənc oğlan canına qıydı - İNTİHAR
- Gənc oğlan yolda can verdi
- Gəncə sakini öldürülüb, maşını da yandırıldı
- Gənc qadın evinə getdiyi əcnəbini soydu - Bakıda
- Gənc oğlan anasına görə intihar etdi
- Gəncədə 825 partlayıcı oyuncaq aşkarlandı
- Gənc oğlan bıçaqlanıb
- Gəncədə evdə partlayış: 14 yaşlı oğlan yaralandı
- Gənc qız özünü asdı
- Gəncədə məktəbli bıçaqlanıb