Neftçilərin axtarışı ilə bağlı son məlumat
18:33 20 Dekabr 2016
“Azərbaycan Respublikası Dövlət Neft Şirkətinin “Azneft” İstehsalat Birliyinin Neft yığım məntəqəsində baş vermiş hadisə ilə əlaqədar bəzi tədbirlər haqqında” Azərbaycan Respublikasının Prezidentinin 16 dekabr 2016-cı il tarixli Sərəncamına əsasən Dövlət Dəniz Admnistrasiyasının Gəmilərin Hərəkətinin İdarəolunması Milli Mərkəzində Fövqəladə Hallar Nazirliyi, Müdafiə Nazirliyi, Dövlət Sərhəd Xidməti, Dövlət Dəniz Administrasiyası, SOCAR və Azərbaycan Xəzər Dəniz Gəmiçiliyi QSC-nin aparıcı mütəxəssislərindən ibarət tərkibdə yaradılan Qərargah tərəfindən təsdiq edilən plana uyğun olaraq, müəyyən edilən sektorlar üzrə axtarış-xilasetmə əməliyyatları davam etdirilir.
Axtarış-xilasetmə Qərargahından Femida.az-a verilən məlumata görə, bu gün Axtarış-xilasetmə Qərargahının Rəhbər heyət üzvləri hadisə yerində olub, həyata keçirilən xilasetmə tədbirlərilə yaxından tanış olublar.
Qərargahın Rəhbər heyət üzlərinin verdiyi tapşırıq və tövsiyyələrə uyğun olaraq, hadisənin baş verdiyi rayonda hava şəraiti, küləyin, sualtı və suüstü axıntıların istiqaməti, sürəti bir daha təhlil olunub və axtarış-xilasetmə zonasının daha da genişləndirilməsi barədə qərar qəbul edilib. Axtarış-xilasetmə əməliyyatlarının, uzunluğu 125 km, eni isə 108 km olan geniş ərazidə həyata keçirilməsi ilə bağlı müvafiq tapşırıq və tövsiyələr verilib.
Oxunub: 1102
Oxşar xəbərlər
- Neftçilərin peşə bayramı qeyd edilib
- Neftçilərin axtarışına yeni qüvvələr cəlb olundu
- Neftçilərin axtarışı davam etdirilir
- Neftçilərin axtarışı fasiləsiz davam etdirilir
- Neftçilərin axtarışı nə yerdə qalıb?
- Neftçilərin axtarışı ilə bağlı SON XƏBƏR - FOTOLAR
- Neftçilərin budka sudan çıxarıldı
- Neftçilərin axtarışına helikopterlər cəlb olundu
- Neftçilərin axtarışı üçün gəmilər göndərildi
- Neftçilərin birinin meyiti tapıldı - Son dəqiqə