Xəzərdə meyiti tapılan şəxs itkin düşən neftçidir?
15:01 18 Fevral 2017
“Azərbaycan Respublikası Dövlət Neft Şirkətinin “Azneft” İstehsalat Birliyinin Neft yığım məntəqəsində baş vermiş hadisə ilə əlaqədar bəzi tədbirlər haqqında” Azərbaycan Respublikasının Prezidentinin 16 dekabr 2016-cı il tarixli sərəncamına əsasən, Dövlət Dəniz Admnistrasiyasının Gəmilərin Hərəkətinin İdarəolunması Milli Mərkəzində Fövqəladə Hallar Nazirliyi, Müdafiə Nazirliyi, Dövlət Sərhəd Xidməti, Dövlət Dəniz Administrasiyası, SOCAR və Azərbaycan Xəzər Dəniz Gəmiçiliyi QSC-nin aparıcı mütəxəssislərindən ibarət tərkibdə yaradılan Qərargah axtarış-xilasetmə əməliyyatlarını davam etdirir.
Qərargahdan Femida.az-a bildirilib ki, keçirilən axtarış-xilasetmə əməliyyatları nəticəsində fevralın 17-də saat 17:20 radələrində Qaradağ rayonu “Pirsaat” qəsəbəsi ərazisində dənizdə sahildən 1 mil aralı məsafədə şəxsiyyəti naməlum kişi meyiti aşkarlanıb.
Meyiti tapılan şəxsin "Azneft" İB-nin N.Nərimanov adına Neft Qaz Çıxarma İdarəsinin 3 saylı Neft Yığım Məntəqəsinin estakadasının uçması zamanı itkin düşən neftçilərdən olub-olmadığı müəyyənləşdirilir. Onun şəxsiyyəti müəyyənləşdirildikdən sonra ictimaiyyətə ətraflı məlumat veriləcək.
Femida.az
Oxunub: 1206
Oxşar xəbərlər
- Xəzərdə zəlzələ olub
- Xəzərdəki dəhşətli faciədən bir il ötür
- Xəzərdə zəlzələ olub
- Xəzərdə zəlzələ oldu
- Xəzərdə üçüncü dəfə zəlzələ olub
- Xəzərdə zəlzələ olub
- Xəzərdə iki balıqçı xilas edildi
- Xəzərdə suitilərin ovuna qadağa qoyulacaq
- Xəzərdə itkin düşmüş balıqçıların meyiti tapılıb
- Xəzərdə yoxa çıxan balıqçıların axtarışına başlanıldı