Yenə gömrük, yenə qaçaqmal
15:03 03 May 2017
Xaçmaz Gömrük İdarəsi əməkdaşlarının Quba şəhərində keçirdiyi əməliyyat nəticəsində ölkə ərazisinə qaçaqmalçılıq yolu ilə gətirilən tütün məmulatları, spirtli içkilər və ərzaq məhsullarının realizə edilməsinin qarşısı alınıb.
Dövlət Gömrük Komitəsinin Mətbuat (DGK) Xidmətindən Femida.az-a verilən məlumata görə, idarənin Gömrük hüquqpozmalarına qarşı mübarizə şöbəsinə aksiz markası ilə markalanmalı olan malların belə marka olmadan satılması barədə məlumat daxil olub.
Keçirilən əməliyyat tədbirləri nəticəsində həmin məhsulları satan Azərbaycanın iki vətəndaşı və məhsulların daşındığı "Opel Astra" və "VAZ-2106" markalı avtomobillər müəyyən edilib. Şərti alıcı qismində çıxış edən əməliyyatçılar Quba şəhəri, Heydər Əliyev prospektində həmin şəxslərlə əlaqə yaradıb və sövdələşmə baş tutduqdan sonra özlərini təqdim edərək avtomobillərə baxış keçirilməsi məqsədilə həmin şəxsləri Xaçmaz Gömrük İdarəsinə dəvət ediblər.
Gömrük baxışı zamanı hər iki avtomobilin yük yeri və salonlarından ümumilikdə üzərində Belarusun aksiz markası olan 8980 ədəd "NZ Gold Compact" markalı siqaretlər, Rusiyanın aksiz markası ilə markalanan 9 ədəd 1 l-lik və 60 ədəd 0.5 l-lik araqlar, üzərində aksiz markası olmayan 2 adda 1 l-lik 20 ədəd viskilər, 25 kq konfet və 2 adda 78 kq kolbasa və 2 adda 265 kq yağ aşkar edilib.
Faktla bağlı araşdırma aparılır.
Femida.az
Oxunub: 804
Oxşar xəbərlər
- Yenə qidadan zəhərlənən var
- Yenə valideyn ehtiyatsızlığı, yenə uşaq ölümü - 2 yaşı vardı
- Yenə Nardaran, yenə qanunsuz silah...
- Yenə at əti tutuldu - FOTO
- Yenə gömrük, yenə qaçaqmal
- Yenə İranla sərhəd, yenə narkotik...
- Yenə gömrük, yenə `Samsung`
- Yenə qar yağacaq
- Yenə yağış gözlənilir - PROQNOZ
- Yenə uşaq ölümü