Maşallah Əhmədov məhkəmədən vaxt istəyib
21:48 10 May 2017
Bakı Apellyasiya Məhkəməsində dələduzluqda təqsirləndirilən keçmiş futbolçu Maşallah Əhmədovun apellyasiya şikayəti üzrə məhkəmə davam etdirilib.
Femida.az -ın məlumatına görə, hakim Faiq Qasımovun sədrliyi ilə keçirilən prosesdə dövlət ittihamçısı çıxış edib. O, zərərçəkmiş Y. Əzizovdan M. Əhmədovun daşları qaytaracağı təqdirdə onlar arasında barışığın mümkün olub-olmayacağını soruşub. Y. Əzizov isə buna razı olduğunu, ancaq M. Əhmədovun ona dəymiş maddi ziyanı da ödəməsini istəyib.
Y. Əzizovun vəkili məhkəmədə bildirib ki, mənəvi zərər üçün 50 min manat məbləğində mülki iddia qaldırılıb: "Bundan əlavə 247 min 764 manatlıq da zərər dəyib".
M. Əhmədov daşları qaytarmaq üçün məhkəmədən bir həftə vaxt istəyib: "Yusifin tələb etdiyi digər pul isə böhtandır”.
Məhkəmənin növbəti iclası mayın 17-ə təyin edilib.
Qeyd edək ki, Bakı Ağır Cinayətlər Məhkəməsinin hökmü ilə M. Əhmədov 8 il müddətinə azadlıqdan məhrum edilib.
M. Əhmədov 2015-ci il dekabrın 14-də Binəqədi rayon Polis İdarəsinin əməkdaşları tərəfindən saxlanılıb. İlkin məlumata görə, bizneslə məşğul olan “Neftçi”nin keçmiş futbolçusu bir neçə nəfərə 150 min manatdan artıq vəsaitə xaricdən daş plitə gətirəcəyini vəd edib. Lakin o, sözünə əməl etməyib və həmin şəxslərin pulunu qaytarmayıb. Binəqədi rayon Məhkəməsi M. Əhmədov barəsində ev dustaqlığı ilə bağlı qərar çıxarsa da, Bakı Ağır Cinayətlər Məhkəməsi onun 8 il azadlıqdan məhrum edilməsi barədə hökm çıxarıb.
Femida.az
Oxunub: 785
Oxşar xəbərlər
- Maşallah Əhmədov azadlığa buraxılıb
- Maşallah Əhmədov azadlığa buraxılmaq üçün müraciət etdi
- Maşallah Əhmədovun cəzası 8 ildən 2 ilə endirilib
- Maşallah Əhmədovun işi üzrə ekspertiza başa çatıb
- Maşallah Əhmədovun məhkəməsində dava düşdü
- Maşallah Əhmədovun məhkəməsində gərginlik
- Maşallah Əhmədovun məhkəməsi baş tutmadı
- Maşallah Əhmədova vaxt verildi
- Maşallah Əhmədovun məhkəməsində mübahisə düşüb
- Maşallah Əhmədovun məhkəməsində dava düşdü