Kredit götürüb borc versəniz... - Hüquqi yardım

15:09     24 İyul 2017

Femida.az vətəndaşlara hüquqi yardım layihəsini davam etdirir.

Öz adınıza kredit alıb başqa şəxsə borc vermisiniz və həmin şəxs o pulu qaytarmırsa, məsələ necə həll edilməlidir?

Hər bir halda, bank dələduza qarşı deyil, bankdan kredit alan (müqaviləni imzalayan) şəxsi məhkəməyə verib borcu tələb edəcək. Bir sözlə, bank sizdən, siz isə o pulu, borc verdiyiniz şəxsdən tələb etməli olacaqsınız.

Əgər borc verdiyiniz şəxs borcu aldıqdan sonra həmin məbləği ümumiyyətlə qaytarmaqdan imtina edirsə, belə vəziyyətdə söhbət cinayət əməli hesab edilən dələduzluqdan gedir. Bu əməlin dələduzluq hesab edilməsi üçün, borc alan şəxsin borcu alarkən onu qaytarmamaq niyyətinin olmaması müəyyən edilməlidir. Yəni şəxs borcu alarkən, onu ümumiyyətlə qaytarmaq niyyəti ilə olmayıb və etibardan sui-istifadə edib.

Onu da qeyd edək ki, dələduzluq cinayətləri ilə bağlı ərizəni, pulu dələduza verdiyiniz ərazinin polis idarəsinə vermək lazımdı.

Əgər borc verdiyiniz şəxs borcu imkansızlıq səbəbindən qaytara bilmirsə və ya polis onun əməllərində dələduzluq cinayətinin əməllərini aşkar etməyibsə, həmin şəxsə qarşı mülki qaydada iddia qaldırıb borcun qaytarılması barədə qətnamə qəbul edilməsini məhkəmədən xahiş edə bilərsiniz.

Femida.az

Açar sözlər:

Oxunub: 2017