Azyaşlı qızın ölümü ilə bağlı cinayət işi açıldı
15:42 25 İyul 2017
Bakının Binəqədi rayonunda azyaşlının pəncərədən yıxılaraq ölməsi ilə bağlı cinayət işi başlanıb.
Baş Prokurorluğun mətbuat xidmətindən Femida.az-a verilən məlumatda bildirilir ki, son vaxtlar bəzi valideynlərin diqqətsizliyi və səhlənkarlığı ucbatından azyaşlı övladlarının nəzarətsiz qalmaları nəticəsində yaşadıqları mənzilin eyvan və pəncərələrindən yıxılaraq vəfat etməsi hadisələrinin sayının artması ictimaiyyəti ciddi narahat edir.
"Belə ki, iyulun 22-də, saat 15 radələrində paytaxtın Binəqədi rayonunda, 2016-cı il təvəllüdlü Əmənova Rüqəyya Elnur qızı anasının nəzarətsizliyi səbəbindən yaşadığı çoxmərtəbəli binanın 3-cü mərtəbəsində yerləşən mənzilin pəncərəsindən yıxılaraq aldığı xəsarətlərlə bağlı xəstəxanaya yerləşdirilib və iyulun 24-də orada vəfat edib.
Faktla bağlı Rayon Prokurorluğunda Cinayət Məcəlləsinin 124.1-ci (ehtiyatsızlıqdan adam öldürmə) maddəsi ilə cinayət işi başlanmış, iş üzrə müvafiq ekspertizalar təyin edilib.
Hazırda cinayət işi üzrə zəruri istintaq tədbirləri davam etdirilir.
Ailə faciəsinə səbəb olan belə bədbəxt hadisələrin təkrarlanmaması üçün valideynlərə xüsusən azyaşlı övladlarına qarşı daha diqqətli və məsuliyyətli olmaları tövsiyə edilir", - deyə məlumatda bildirilir.
Femida.az
Oxunub: 1216
Oxşar xəbərlər
- Azyaşlı su ilə dolu hamam vannasına düşüb
- Azyaşlı həşəratlara qarşı məhlul içdi
- Azyaşlı bacı-qardaş müəmmalı şəkildə öldü - Azərbaycanda tükürpədici olay
- Azyaşlı faciəvi şəkildə öldü
- Azyaşlı yol qəzasında ölüb
- Azyaşlı qıza təcavüz edən şəxs həbs edilib
- Azyaşlı ölümdən son anda xilas edildi
- Azyaşlının vurduğu zərəri kim ödəməlidir?
- Azyaşlı qızın başına kərpiclə vurub qaçdı - VİDEO
- Azyaşlı üçüncü mərtəbədən yıxıldı - Bakıda