45 ədəd telefon oğurlayan şəxs tutulub
22:32 09 Avqust 2017
Qazaxda 45 ədəd mobil telefon oğurlayan şəxs tutulub.
Daxili İşlər Nazirliyinin mətbuat xidmətindən Femida.az -a verilən məlumata görə, Qazax rayonu ərazisindəki mağzalardan birindən xeyli sayda telefon oğurlanması barədə “102 Zəng Mərkəzi”nə müraciət daxil olub.
Məlumatla əlaqədar aidiyyatı üzrə Qazax Rayon Polis Şöbəsində yaradılan əməliyyat qrupu hadisə yerinə gələrək oranı müayinə edib, müvafiq araşdırmalar aparılıb.
Faktla əlaqədar Rayon Polis Şöbəsində cinayət işi başlanılıb. Polis Şöbəsinə dəvət edilən mağaza sahibi izahatında oradan satış üçün nəzərdə tutulan və təmirə gətirilmiş ümumilikdə 45 ədəd mobil telefonun, həmçinin eyni sayda satış üçün nəzərdə tutulan, telefonların üzərlərində olan sim nömrələrin və 1 ədəd noutbukun oğurlandığını bildirib.
Əməliyyat tədbirləri ilə oğurluğu törətməkdə şübhəli bilinən şəxs müəyyən edilib, saxlanılaraq Polis Şöbəsinə gətirilib. Araşdırmalarla onun Sumqayıt şəhər sakini, əvvəllər məhkum olunmuş Elçin Alıyev olması müəyyən edilib. Saxlanılarkən oğurlanmış mobil telefonlardan biri maddi sübut kimi onun üzərindən aşkar edilərək götürülüb.
Təkzibolunmaz sübutlar qarşısında o, törətdiyi oğurluğu etiraf edib.
Müəyyən edilib ki, E.Alıyev bir müddət əvvəl gəzmək üçün Qazaxa gəlib və özünü təhsil müəssisələrindən birinin tələbəsi kimi təqdim edərək şəhər ərazisində kirayədə yaşayıb.
Dindirmələr zamanı o, digər telefonları və noutbuku paytaxt ərazisində satdığını bildirib.
Araşdırmalar aparılır.
Femida.az
Oxunub: 576
Oxşar xəbərlər
- 45 minə yaxın müəllimin maaşı artıb
- 45 yaşlı kişi faciəli şəkildə öldü
- 45 yaşlı kişi ikinci mərtəbədən yıxıldı
- 45 min müəllimin maaşı artırılacaq
- 45 yaşlı kişi hamamda özünü asdı
- 45 mln. dollar rüşvət alan məmuru edam edəcəklər
- 45 yaşlı kişi özünü yandırdı
- 4500 nəfər Qarabağda itkin düşüb
- 454 nəfərin məşğulluğu təmin edilib
- 450 min manata görə 11 il HƏBS