Ağac budağı kəsən şəxs cərimələnib
20:48 15 Avqust 2017
Ekologiya və Təbii Sərvətlər Nazirliyinin (ETSN) “Qaynar xətt”inə Gəncə şəhər sakini Ənvər Mustafayev tərəfindən Yeni Gəncə yaşayış massivi M.C.Paşayev küçəsində ağacların qanunsuz kəsilməsi ilə bağlı şikayət daxil olub.
Nazirliyin mətbuat xidmətindən Femida.az-a verilən məlumata görə, şikayət ETSN-in yerli qurumlarının əməkdaşları tərəfindən şikayətçinin iştirakı ilə yerində araşdırılıb.
Əraziyə keçirilən baxış zamanı 100 m2 torpaq sahəsinin hasara alındığı, hasar daxilində 9 ədəd müxtəlif cinsli və diametrli ağacın bioloji inkişafda olduğu, 1 ədəd sərv ağacının isə tikintiyə maneəçilik törətdiyi üçün alt budaqlarının qanunsuz kəsildiyi aşkar edilib.
Araşdırma zamanı sözügedən ərazinin Gəncə şəhəri Nizami rayonu İcra Hakimiyyəti başçısının sərəncamı ilə Hamlet Nağıyevə ticarət obyektinin tikintisi üçün verildiyi məlum olub.
Faktla bağlı H.Nağıyev barəsində protokol tərtib olunub və o inzibati qaydada 200 manat məbləğində cərimə edilib, ağacların qorunub mühafizə edilməsi üçün akt tərtib olunaraq torpaq istifadəçisinə təhvil verilib.
Gəncə şəhəri Mənzil Kommunal Təsərrüfatı Birliyinin Yaşıllaşdırma Şöbəsinə isə icrası məcburi olan müddətli “məcburi göstəriş” verilib, eyni zamanda Gəncə şəhəri Nizami rayonu İcra Hakimiyyətinə müraciət olunub.
Femida.az
Oxunub: 811
Oxşar xəbərlər
- Ağacları kəsib,meşə gözətçisini döydülər - Cəlilabadda
- Ağacan Abiyevə `Şərəf` ordeni verildi
- Ağac kəsənlərin işi məhkəməyə göndərilib
- Ağac kəsən şəxs 2000 manat cərimələndi
- Ağac kəsdi - 2550 manat cərimə ödədi
- Ağac kəsənin işi Prokurorluğa göndərildi
- Ağac kəsməyə görə 2920 manat CƏRİMƏ
- Ağac budaqlarını qanunsuz kəsən şəxs cərimələnib
- Ağac kəsən şəxs cərimələndi
- Ağacların dibinə maddə töküb qurudan sahibkara cinayət işi açıldı