Eldar Mahmudov Baş Prokurorluğa çağırıldı
16:37 04 Noyabr 2017
Sabiq milli təhlükəsizlik naziri Eldar Mahmudov Baş Prokurorluğa çağırılıb.
Femida.az-ın virtualaz.org-a istinadən məlumatına görə, bu barədə Baş Prokurorluğun Mətbuat xidmətinin rəhbəri Eldar Sultanov bildirib.
Sultanov deyib ki, fəaliyyəti dayandırılmış Milli Təhlükəsizlik Nazirliyinin Antiterror Mərkəzinin şöbə rəisinin müavini vəzifəsində işləmiş və faktiki olaraq nazirin köməkçisi funksiyasını həyata keçirmiş polkovnik-leytenant Vüqar Mahmudov həmin nazirliyin vəzifəli şəxsləri barəsində Baş Prokurorluğun Ağır Cinayətlərə dair işlər üzrə istintaq idarəsində istintaq edilən cinayət işi üzrə təqsirləndirilən şəxs qismində cəlb edilib.
Belə ki, V.Mahmudova özgə əmlakının mütəşəkkil dəstə tərkibində külli miqdarda mənimsəmə, ayrı-ayrı vətəndaşların əmlakını hədə-qorxu ilə tələb etmə, əməliyyat-axtarış fəaliyyəti haqqında qanunvericiliyin tələblərini kobud surətdə pozma, vəzifə saxtakarlığı, eləcə də şəxsi maraqlarına görə qulluq mövqeyindən sui-istifadə faktları üzrə ittihamlar elan edilməklə barəsində Bakı Hərbi Məhkəməsinin qərarı ilə 4 aylıq həbs qətimkan tədbiri seçilib.
E.Sultanov açıqlamasında həmçinin qeyd edib ki, sabiq milli təhlükəsizlik naziri Eldar Mahmudov da qeyd edilən cinayət işi üzrə dindirilməsi üçün Baş Prokurorluğun Ağır cinayətlərə dair işlər üzrə istintaq idarəsinə çağırılıb.
Femida.az
Oxunub: 1779
Oxşar xəbərlər
- Eldar Mansurovun oğlu vəzifədən getdi
- Eldar Mahmudov 3 saata yaxın dindirilib
- Eldar Mahmudov Baş Prokurorluqda dindirildi - FOTOLAR
- Eldar Mahmudovun köməkçisi həbs olunub
- Eldar Mahmudovun məhkəməyə çağırılması barədə vəsatət qaldırılıb
- Eldar Mahmudovun əmisi oğluna hökm oxunub
- Eldar Sultanovun bacısı oğlu yol qəzasında öldü
- Eldar Mahmudova cinayət işi açıla bilər
- Eldar Mahmudovun göstərişi ilə sənədlər məhv edilib - ŞOK FAKTLAR
- Eldar Mansurovun oğluna yüksək vəzifə verildi