Aprel döyüşləri ilə bağlı medal təsis edilsin - TƏKLİF

18:53     17 Noyabr 2017

2016-cı ilin aprel döyüşləri ilə bağlı yeni medal təsis edilməsi təklif olunur.

Femida.az xəbər verir ki, bu təkliflə Milli Məclisin deputatı Sahib Alıyev parlamentin bu gün keçirilən iclasında "Rəşadət" ordeninin təsis edilməsi ilə əlaqədar "Azərbaycan Respublikasının orden və medallarının təsis edilməsi haqqında" qanuna dəyişikliyin müzakirəsi zamanı deyib.

Millət vəkili bildirib ki, aprel döyüşlərində iştirak edən və qəhrəmanlıq göstərən hərbçilərin həmin medalı sinələrində daşımağa haqları var.

Qeyd edək ki, 2016-ci ilin aprel döyüşləri Azərbaycanın qələbəsi, 2 min hektardan artıq ərazinin erməni işğalından azad edilməsi ilə nəticələnib.

Femida.az

Açar sözlər:

Oxunub: 732