Xaricdə yaşayan azərbaycanlı alimlərin elektron bazası yaradılır
02:45 18 Yanvar 2018
Azərbaycan Milli Elmlər Akademiyasında (AMEA) xaricdə fəaliyyət göstərən azərbaycanlı alimlərin elektron bazası yaradılır.
Femida.az xəbər verir ki, bunu Trend-ə Azərbaycan Milli Elmlər Akademiyasının vitse-prezidenti İsa Həbibbəyli deyib.
Onun sözlərinə görə, hazırda bu istiqamətdə iş aparılır.
İ.Həbibbəyli bildirib ki, elektron bazanın yaradılmasında məqsəd dünyanın müxtəlif ölkələrində yaşayan və çalışan Azərbaycan alimləri haqqında informasiyaların toplanmasıdır. Bazada alimlərin tərcüməyi-halları, elmi işləri haqqında məlumatlar öz əksini tapacaq:
"Həmin baza AMEA-nın müvafiq qurumlarına dünyanın müxtəlif ölkələrində çalışan tanınmış soydaşlarımızla əlaqə yaratmağa kömək edəcək. Digər tərəfdən, biz soydaşlarımızla birgə layihələr həyata keçirə biləcəyik. Onlar öz çalışdıqları ölkələrdə olan qrant proqramlarına, layihələrə Azərbaycanın elmi müəssisələrinin cəlb olunmasına kömək edə biləcəklər. Biz də Azərbaycanda soydaşlarımızın birgə fəaliyyət tələb olunan proqramlarda, layihələrdə iştirakına çalışacağıq. Bu, həm də elmi əlaqələrin daha da inkişaf etməsinə kömək edəcək".
İ.Həbibbəyli bildirib ki, hazırda AMEA tərəfindən xaricdə fəaliyyət göstərən Azərbaycan alimlərinin sayı da dəqiqləşdirilir.
Femida.az
Oxunub: 692
Oxşar xəbərlər
- Elm və təhsil naziri: "İnstitutlarda çalışan alimlərin ixtisarından söhbət getmir"
- ABŞ-da yaşayan tanınmış azərbaycanlı alim vəfat edib
- Rusiya və Belarus paralimpiyaçıları Pekin-2022-dən kənarlaşdırılıb
- Alimlər 70 ildən sonra Yerə yaxınlaşacaq asteroid kəşf ediblər
- Alimlər: Pandemiya bu il başa çatacaq
- Alimlər "omikron"un insana daha bir mənfi təsirini aşkarlayıblar
- Ədliyyə Nazirliyi aliment ala bilməyən vətəndaşlara çağırış edib
- Aliment borcuna görə axtarışa verilən şəxslərin sayı açıqlanıb
- Alimlər: "Omikron" ştamı təkrar yoluxma riskini üç dəfə artırır
- Alimlər: "COVID-19 deltayabənzər ştamlara görə tam yox olmayacaq"