"Müsavat" və "Ümid" partiyaları qərar aldı: Seçkidə iştirak etməyəcəklər
21:15 10 Fevral 2018
İsa Qəmbər də geri durdu: Müsavat lideri seçkilərə getmir
Müsavat lideri İsa Qəmbər növbədənkənar prezident seçkilərinə qatılmır.
Müsavat Partiyası Məclisinin bu gün keçirilmiş iclasında aprelin 11-ə təyin olunmuş növbədənkənar prezident seçkilərinə qatılmamaq haqqında qərar qəbul edilib.
Bu barədə məlumatı Müsavat başqanının müavini Yadigar Sadıqov öz “Facebook” səhifəsində yayıb.
Qeyd edək ki, İsa Qəmbər Müsavatın 2014-cü ilin sentyarında keçirilmiş qurultayında partiyanın prezidentliyə namizədi elan olunmuşdu.
**
Fevral ayının 10-da Ümid Partiyası Ali Məclisinin növbəti sessiyası keçirilib.
Sessiyada 11 aprel 2018-ci ildə keçiriləcək növbədənkənar prezident seçkilərinə münasibət müzakirə olunub. Partiyanın sədri İqbal Ağazadə ölkədəki ictimai-siyasi vəziyyət və partiyanın 11 aprel 2018-ci ildə keçiriləcək növbədənkənar prezident seçkilərinə münasibəti ilə bağlı geniş məruzə edib.
İqbal Ağazadə partiyanın prezident seçkilərində namizədiylə iştirakının partiyanın Nizamnaməsinə uyğun olaraq, Qurultayın səlahiyyətində olduğunu vurğulayıb və partiyanın növbəti Qurultayının may ayının 28-də keçirilməsinin bəyan edildiyini nəzərə alaraq, hüquqi baxımdan növbədənkənar Qurultayın keçilməsinin zaman etibarı ilə qeyri-mümkün olduğunu bildirib.
Məruzə və çıxışlarda Ümid Partiyasının aprelin 11-də keçiriləcək növbədənkənar prezident seçkilərində iştirak etməməsi təklifi səsləndirilib.
Ali Məclis Ümid Partiyasının prezident seçkilərində iştirak etməməsi haqqında qərar qəbul edib: "Seçkiyə qatılanların da, qatılmayanların da özlərinin arqumentləri var. Hər kəs öz arqumentlərində haqlıdır. Biz seçkilərdə iştirak etməsək də, hər kəsin fikirlərinə, qərarlarına hörmətlə yanaşırıq. Üzvlərimiz isə fikirlərində sərbəsdir. Seçkidə iştirak edib-etməyəcəklərinə, kimə səs verib-verməyəcəklərinə özləri qərar verə bilər".
Femida.az
Oxunub: 738
Oxşar xəbərlər
- Bu gün Fransada prezident seçkilərinin ikinci turu keçiriləcək
- XİN: "Abxaziyadakı qondarma "seçkiləri" tanımırıq"
- Məzahir Pənahov boş deputat yerlərinə təkrar seçkilərdən danışıb
- Liviyada parlament seçkilər üçün yeni tarix tələb edib
- Qəddafinin oğlu Liviyada prezident seçkilərində iştirak etmək niyyətindədir
- Bolqarıstanda prezident və parlament seçkiləri keçirilir
- Gürcüstanda seçkilərin ikinci mərhələsi başa çatıb
- Özbəkistanda prezident seçkiləri başa çatıb
- Özbəkistandakı prezident seçkiləri baş tutmuş hesab olunub
- Bu gün İraqda növbədənkənar parlament seçkiləri keçiriləcək