Özəl tibb fəaliyyəti ilə bağlı yeni qayda
18:42 18 Sentyabr 2015
Milli Məclisin Sosial siyasət komitəsinin bu gün keçirilən iclasında “Özəl tibb fəaliyyəti haqqında” qanuna əlavələr müzakirəyə çıxarılıb.
Femida.az-ın məlumatına görə, layihəyə əsasən səhiyyənin özəl sektoru ilə bağlı yeni qaydalar tətbiq olunur. Qanun layihəsinin 4-cü və 16-cı maddəsinə əlavələr təklif edilir. 4-cü maddəyə əlavə edilən abzasa görə, “tibb fəaliyyəti ilə məşğul olan şəxslər tərəfindən özəl tibb fəaliyyəti sahəsində onlara verilmiş xüsusi razılıqda (lisenziya) göstərilən işlər və xidmətlərdən kənar (ilkin tibbi yardım istisna olmaqla) tibb fəaliyyətinin həyata keçirilməsinə yol verilmir”.
Qanunun 16-cı maddəsinə əlavə edilən bəndə görə isə, “özəl tibb müəssisəsində vətəndaş üçün zəruri olan ixtisaslaşdırılmış tibbi yardımın göstərilməsi mümkün olmadıqda, müəssisənin müalicə həkimi tərəfindən həmin şəxsi bu yardımı göstərən dövlət tibb müəssisəsinə və ya şəxsin istəyinə uyğun olaraq digər özəl tibb müəssisəsinə göndərməlidir”.
Layihə səsə qoyularaq plenar iclasa tövsiyə olunub.
Oxunub: 1339
Oxşar xəbərlər
- Özəl klinikada xəstənin başına gəlməyən qalmadı
- Özəl klinikada qadını bu vəziyyətə saldılar - FOTO
- Özəl klinikalarla müqavilə bağlayarkən diqqətli olun! - ARAŞDIRMA
- Özəl klinikada biabırçılıq - Ana olmaq üçün getdi, lakin... (FOTOLAR)
- Özəl universitetlərin inkişafı stimullaşdırılacaq
- Özəlləşdiriləcək 65 müəssisənin adı açıqlandı
- Özəl baytarlıq xidməti yaradılacaq
- Özəl tibb müəssisələrinin monitorinqi aparılacaq
- Özəl məktəblərlə bağlı yeni qərar
- Özəl tibb fəaliyyəti ilə məşğul olanlara - Qadağa