Həmkarları İlham Əliyevi təbrik edib
19:20 04 İyun 2018
Efiopiya Federativ Demokratik Respublikasının Prezidenti Mulatu Teşome Azərbaycan Respublikasının Prezidenti İlham Əliyevə təbrik məktubu ünvanlayıb.
Femida.az-ın məlumatına görə, təbrik mətnində deyilir: "Zati-aliləri. Yenidən Azərbaycan Respublikasının Prezidenti seçilməyiniz münasibətilə Efiopiya Federativ Demokratik Respublikasının xalqı, hökuməti adından və şəxsən öz adımdan Zati-alinizə ən səmimi təbriklərimi çatdırmaq istərdim.
Şübhəsiz ki, Sizin yenidən Prezident seçilməyiniz qardaş ölkələrimiz arasında ikitərəfli münasibətləri daha da gücləndirəcək. Mən Sizə möhkəm cansağlığı, Azərbaycan xalqına tərəqqi və firavanlıq arzulayıram."
Rusiya Federasiyası Tatarıstan Respublikasının Prezidenti Rüstəm Minnixanov Azərbaycan Respublikasının Prezidenti İlham Əliyevə təbrik məktubu ünvanlayıb. Təbrik mətnində deyilir: "Hörmətli İlham Heydər oğlu. Azərbaycan Xalq Cümhuriyyətinin elan edilməsinin 100 illiyi münasibətilə Tatarıstan sakinləri adından və şəxsən öz adımdan səmimi təbriklərimi qəbul edin. Sizə və ölkənizin bütün vətəndaşlarına xoşbəxtlik, sülh və həmrəylik, bundan sonra da hərtərəfli inkişaf arzu edirik.
Azərbaycanın bugünkü firavanlığı bir əsr bundan əvvəl “Bir kərə yüksələn bayraq bir daha enməz!” sözləri ilə həmin dövr üçün mütərəqqi siyasi, sosial-iqtisadi hüquqlar və azadlıqlar, Azərbaycan dövlətçiliyinin inkişafına sanballı təkan verən hadisələrlə başlanıb. Sevindirici haldır ki, keçmişin idealları və zəfərləri ahəngdar şəkildə genişlənərək bugünkü nailiyyətlərə və respublikanın inamlı gələcəyi üçün möhkəm təmələ çevrilib.
Qardaş Azərbaycan xalqının bu əlamətdar yubiley sevincinə şərik olduğumuzu bildirir və ümid edirik ki, səmərəli Tatarıstan-Azərbaycan əməkdaşlığı da azərbaycanlıların və tatarıstanlıların firavanlığına şərait yaradacaq, Rusiya ilə Azərbaycanın strateji tərəfdaşlığının möhkəmləndirilməsinə xidmət edəcək. Səmimi hörmət və ən xoş bayram arzuları ilə".
Femida.az
Oxunub: 1190
Oxşar xəbərlər
- Məşhur idmançılar Prezidentə müraciət etdi +VİDEO
- Azərbaycan Prezidenti Bolqarıstana rəsmi səfərə gedib
- İlham Əliyev Koreya Prezidentinin xüsusi nümayəndəsini qəbul edib
- Prezidentdən Elşən Zeynalovla bağlı sərəncam
- Ukrayna Prezident Ofisi "Amnesty International"ı sərt tənqid edib
- Prezident İlham Əliyev Azərbaycan və Litva arasında imzalanan sazişi təsdiqləyib
- Prezident İlham Əliyev özbəkistanlı həmkarını Azərbaycana rəsmi səfərə dəvət edib
- Prezident İlham Əliyev sərəncam imzaladı
- Prezident İlham Əliyevin Bolqarıstanın Baş naziri Kiril Petkov ilə birgə işçi şam yeməyi olub
- Şri-Lankada etirazçılar prezident iqamətgahını ələ keçirib