Şəhidin anası ilə son dialoqu
21:37 28 Sentyabr 2015
O, 5 gündən sonra xidmətini başa vuracaqdı.
Cəbhənin Tərtər rayonu ərazisində düşmən gülləsindən şəhid olan müddətli hərbi qulluqçu Elşən Məmmədovun cənazəsi bu gün Gürcüstana aparılıb. Şəhid ailəsinə təhvil verilib. Şəhidin doğmaları, yaxınları, kənd camaatı onunla sonuncu dəfə vidalaşıblar. Cənazə namazı qılınıb.
ANS PRESS-in məlumatına görə,şəhidlə vidalaşmağa gələnlər arasında Azərbaycanın Gürcüstandakı səfirliyinin nümayəndələri də olub. Səfirliyin hərbi atteşesi Xəzər Abbasov bildirib ki, Elşənin qanı alınıb. Ermənilər çoxlu itki veriblər. Düşmənin hər zərbəsinə ikiqat zərbə ilə cavab veriləcək. 640 balla daxil olduğu İqtisadiyyat Universitetini keçən il bitirib, hərbi xidmətə yollanan Elşən Məmmədov cəmi 5 gündən sonra xidmətini başa vurub ordudan təxris olunmalı idi. Anası ilə telefon danışığı zamanı sonuncu dəfə döyüş növbətçiliyinə çıxacağını bildirən əsgər posta çıxdıqdan bir neçə dəqiqə sonra düşmən gülləsinə tuş gəlib.
Şəhid cənazə namazı qılındıqdan sonra torpağa tapşırılması üçün kənd qəbristanlığına aparılıb. Gürcüstanın Bolnisi rayonundan olan 23 yaşlı hərbçı doğulub böyüdüyü Zol Göyəc kəndində son mənzilə yola salınıb.Burada Elşən Məmmədov böyük bir izdihamın iştirakı ilə dəfn olunub.
Oxunub: 1807
Oxşar xəbərlər
- Şəhidin medal ailəsinə verildi
- Şəhidin xatirəsinə həsr olunmuş futbol turniri keçirilir
- Şəhidin əkiz oğlu oldu - Adını da Şahlar qoydular
- Şəhidin adına olan bulaqla bağlı problem həll olundu
- Şəhidin cənazəsi Naxçıvana yola salındı - FOTOLAR
- Şəhidin iti sahibini gözləyir - FOTOLAR
- Şəhidin gitaraçı oğlu: `Hərbi hissəyə çatanda qarşıma 3 tabut çıxdı`
- Şəhidin ailəsinə aylıq təqaüd təsdiqləndi - 1039 AZN
- Şəhidin medalı ailəsinə təqdim edildi
- Şəhidin məzar daşı bu gün qoyulacaq