Yük avtomobilindən 17 min ədəd siqaret çıxdı
14:29 18 İyul 2018
Xaçmaz Gömrük İdarəsinin əməkdaşları iki fakt üzrə külli miqdarda siqaretin bəyan edilmədən ölkə ərazisinə keçirilməsi cəhdinin qarşısını alıblar.
Dövlət Gömrük Komitəsindən Femida.az-a verilən məlumata görə, hər iki fakt idarənin "Samur" gömrük postunun idxal gömrük nəzarəti zonasında qeydə alınıb. Rusiya istiqamətindən daxil olan Azərbaycan vətəndaşının idarə etdiyi "DAF XF105" markalı yük avtomobilinə gömrük baxışı keçirilib.
Baxış zamanı, avtomobilin ehtiyat hissələri qoymaq üçün nəzərdə tutulmuş yerində iki ədəd plastik qutuda, kabinənin yataq yerindəki döşəyin altında, kabinədə olan əl çantasında və kabinənin tavan hissəsində əşyalar qoymaq üçün nəzərdə tutulmuş yerlərdə ümumilikdə 17.600 ədəd "Marlboro Silver Pack 72S" markalı siqaret aşkar olunub.
Rusiyadan gələn digər Azərbaycan vətəndaşının idarə etdiyi "DAF XF105" markalı yük avtomobilinə gömrük baxışı zamanı isə avtomobilin kabinəsində olan yataq yerindəki döşəyin altında və ehtiyat hissələri qoymaq üçün nəzərdə tutulmuş yerdə, kabinədə soyuducunun sağ tərəfində olan örtüyün arxasındakı boşluqda, səsgücləndiricinin arxasında olan boşluqda və kabinədəki digər boşluqlarda 5200 ədəd "Marlboro Silver Pack" və 11.800 ədəd "Marlboro Silver Pack 72s" markalı siqaretlər aşkar edilib. Hər iki faktla bağlı araşdırma aparılır.
Femida.az
Oxunub: 355
Oxşar xəbərlər
- Yüksək vəzifəyə təyin olunan Əliyar Məmmədov kimdir? - DOSYE
- Yük avtomobili velosipedçilərə çırpılıb, 6 nəfər ölüb
- Yük maşınlarının ölkəyə daxil olma qaydası
- Yüksək vəzifəyə təyin olunan Əli Əlizadə kimdir? - DOSYE
- Yük avtomobilində 244 kiloqramdan çox heroin aşkar edilib - VİDEO
- Yük maşınının sürücüsü idarəetməni itirərək yoldan kənara çıxıb - FOTO
- Yüksək vəzifəli şəxs vəzifəsindən azad edildi
- Yüksək dağlıq ərazilərdə 13-19 dərəcə şaxta qeydə alınıb - FAKTİKİ HAVA
- Yük və minik maşınları toqquşdu: ata öldü, oğlu ağır yaralandı
- Yük maşınının vurduğu piyadanın ayağı amputasiya edilib - MƏHKƏMƏ