Orxan Camalın meyiti bu tarixdə Rusiyaya veriləcək
20:20 01 Avqust 2018
Mərkəzi Afrika Respublikasında öldürülən rusiyalı jurnalist Orxan Camalın və daha iki jurnalistin meyiti avqustun 4-də Rusiyaya gətiriləcək.
APA-nın “RİA Novosti”yə istinadən verdiyi məlumata görə, bunu jurnalistləri çəkilişə göndərən Mixail Xodorkovskinin “Araşdırmaların İdarə Olunması Mərkəzi”nin rəhbəri Andrey Konyaxin deyib.
Rusiya Xarici İşlər Nazirliyi isə bəyan edib ki, səfirlik hazırda məsələ ilə bağlı iş aparır və jurnalistlərin meyiti yaxın vaxtlarda ölkəyə gətiriləcək.
Xatırladaq ki, hadisə iyulun 30-da MAR-ın Sibyu şəhərindən 23 km aralıda baş verib. Naməlum şəxslərin avtomobili atəşə tutması nəticəsində jurnalistlər Orxan Camal, Aleksandr Rastorquyev və Kirill Radçenko öldürülüb. Avtomobilin sürücüsü sağ qalıb. Hadisənin motivi hələlik məlum deyil.
Qeyd edək ki, O. Camal mərhum teoloq və politoloq Heydər Camalın oğludur.
Oxunub: 638
Oxşar xəbərlər
- Orxan Sultanova general-polkovnik rütbəsi verilib
- Orxan Səfərov Avropa çempionu oldu
- Orxan Camalın qətlində erməni izi
- Orxan Camalın ölümü ilə bağlı şok iddia
- Orxan Camalı dəfn edə bilmirlər
- Orxan Camal Moskvada dəfn ediləcək
- Orxan Camalın qətli ilə bağlı yeni xəbər
- Orxan Camalın öldürülməsinin yeni təfərrüatı
- Orxan Camal və rusiyalı jurnalistləri kim öldürüb? - Müəmmalı qətlin detalları
