Müəllim hakim köməkçisi və məktəb direktorundan hədə-qorxu ilə pul tələb etdi - Cinayət işi
19:07 22 Avqust 2018
Zaqatala rayonunda vəzifəli şəxslərdən hədə-qorxu yolu ilə pul tələb edən orta məktəb müəllimi Ali Məhkəməyə müraciət edib.
Femida.az-ın Ölkə.Az-a istinadən məlumatına görə, cinayət məcəlləsinin 182.2.2-ci maddəsi ilə məhkum olunan Mahmudov Qılman Rüfət oğlunun məhkəmə prosesinə hakim Fərhad Kərimov sədrlik edəcək.
Qeyd edək ki, 21 avqust 2017-ci il tarixdə Şəki Ağır Cinayətlər Məhkəməsinin hökmü ilə 1982-ci il təvəllüdlü Mahmudov Qılman Rüfət oğlu 6 (altı) il müddətinə azadlıqdan məhrum edilib. Şəki Apellyasiya Məhkəməsidə 1-ci instansiya məhkəməsinin hökmünü qüvvədə saxlayıb. Belə ki, o, qanunsuz olaraq özgənin əmlakını ələ keçirmək məqsədilə zərərçəkmiş şəxsin şəxsiyyəti üzərində zor tətbiq etmə və onun haqqında rüsvayedici məlumatlar yayma hədəsi ilə təkrarən özgənin əmlakını hədə-qorxu ilə tələb edib.
Qılman Mahmudov 2016-cı ilin mart- may ayları ərzində özünün istifadəsində olan 070-659-98-98 mobil nömrəyə quraşdırılmış telefondakı “WhatsApp” vasitəsi ilə əvvəldən tanıdığı Zaqatala Rayon Məhkəməsində hakim köməkçisi vəzifəsində işləyən Əliyev Elvin Tofik oğluna hədə qorxu gəlib. Q.Mahmudov E.Əliyevin istifadəsində olan 055-272-22-12 mobil nömrəsinə quraşdırılmış telefonun eyni adlı xidmətinə avtomat şəkli göndərməklə mətn hissəsində “biçəsiyəm” məzmunlu sms yazıb, hədənin təsirini gücləndirmək üçün həmin ərəfədə profil şəklinə tapança və tüfənglə çəkilmiş fotoşəkillər qoyub. Həmçinin onun barəsində Ədliyyə Nazirliyinə rüşvət almasına dair şikayətlər edib haqqında rüsvayedici məlumatlar yaymaqla şərləyəcəyi ilə hədələyərək sonuncudan hədə-qorxuilə 1000 (bir min) manat məbləğində pul tələb edib.
Bundan başqa, Mahmudov Qılman Rüfət oğlu 2016-cı ilin iyul ayında təkrarən qanunsuz olaraq özgənin əmlakını ələ keçirmək məqsədi ilə özünün müəllim işlədiyi Zaqatala rayonunun Yuxarı Çardaxlar kənd orta məktəbinin direktoru vəzifəsini icra edən Qarayev Ramin Davud oğluna diplomunun saxta olması, hərbi biletinin olmaması, habelə sürücülük vəsiqəsi olmadan avtomobil idarə etməsi barədə hüquq-mühafizə orqanlarına məlumat verməklə haqqında rüsvayedici məlumatlar yayaraq işləməyə qoymayacağını bildirib və ondan hədə-qorxu ilə 500 (beş yüz) manat məbləğində pul tələb edib.
Femida.az
Oxunub: 528
Oxşar xəbərlər
- Müəllimlərin işə qəbulu üzrə elektron sənəd qəbulu başa çatır
- Müəllimlərin işə qəbulu üzrə elektron sənəd qəbulu başlayıb
- Müəllim olmaq istəyənlərə şad xəbər - QAYDALAR DƏYİŞDİ
- Müəllimlərin yerdəyişməsi üzrə vakansiya seçimi başlayır
- Müəllimlərin işə qəbulunun müsahibə mərhələsi başlayır
- Müəllimlərin işə qəbul imtahanında namizədlərə verilən vaxt artırılacaq
- Müəllim olmaq istəyənlər üçün təkrar imtahanların keçiriləcəyi tarix açıqlanıb
- Müəllimlərin işə qəbulu imtahanlarına start verilir
- Müəllimlərin işə qəbul imtahanı bərpa olunur
- Müəllimlərin işə qəbulu üzrə elektron sənəd qəbulu başlayıb