Nazir daha bir səfirlə görüşdü
22:01 09 Oktyabr 2015
Xarici işlər naziri Elmar Məmmədyarov Hindistan Respublikasının Azərbaycan Respublikasına yeni təyin olunmuş səfiri Sanjay Rananı qəbul edib.
XİN-in mətbuat xidmətindən Femida.az-a verilən məlumata görə, səfir etimadnaməsinin surətini nazirə təqdim edib. E. Məmmədyarov 2013-cü ildə Hindistana rəsmi səfərini xatırlayaraq, iki ölkə arasında enerji, ticarət, turizm, informasiya və kommunikasiya texnologiyaları, mədəniyyət, humanitar və digər sahələrdə əməkdaşlıq üçün əlverişli imkanların olduğunu diqqətə çatdırıb. O, Ermənistan-Azərbaycan münaqişəsi haqqında məlumat verərək Ermənistanın BMT Təhlükəsizlik Şurasının qəbul etdiyi dörd qətnamənin tələblərini yerinə yetirmədiyini, münaqişənin həlli üzrə danışıqlar prosesində qeyri-konstruktiv mövqe nümayiş etdirdiyini bildirib.
Sanjay Rana Hindistanın Azərbaycanın suverenliyi və ərazi bütövlüyünü tam şəkildə dəstəklədiyini bəyan edib. O, enerji sahəsində əməkdaşlığın xüsusi əhəmiyyət kəsb etdiyini söyləyərək Hindistan şirkətlərinin Azərbaycanla əməkdaşlığa maraq göstərdiklərini və işgüzar dairələrin qarşılıqlı səfərləri və biznes forumlar vasitəsilə iqtisadi-ticarət əlaqələrinin təşviq edilməsi üçün səylərini əsirgəməyəcəyini vurğulayıb.
Nazir səfirə diplomatik fəaliyyətində uğurlar arzulayıb.
Oxunub: 700
Oxşar xəbərlər
- Nazirliyə 262 minə yaxın müraciət daxil olub
- Nazir müavininin kürəkəninin intihar səbəbi bəlli oldu - Təfərrüat
- Nazirlər Kabinetindən ali təhsil müəssisələriylə bağlı QƏRAR
- Nazir Zərdaba gedir
- Nazirliyə 23 mindən çox müraciət daxil olub
- Nazir uşaq ölümündən danışdı
- Nazirlik ölkə üzrə reydlərə başladı - Qanunsuz satış edənlər cərimələndi
- Nazir ön xəttdə yoxlama apardı
- Nazirlik əhaliyə müraciət etdi
- Nazir İmişlidə görüş keçirdi