Daha bir atletimiz çempion oldu
00:17 11 Oktyabr 2015
“Zirvə” idman klubunun idmançıları Litvanın Klaypeda şəhərində yeniyetmələr və 23 yaşadək idmançılar arasında keçirilən ağır atletika üzrə Avropa çempionatında daha bir medal qazanıblar. Dadaş Dadaşbəyli Avropa çempionu adını qazanaraq Firudin Quliyevin və Anastasiya İbrahimlinin uğurlarını təkrarlayıb.
Dadaş Dadaşbəyli (105 kq) yeniyetmələr arasında yarışda birdən qaldırma hərəkətində hər üç cəhddə uğur qazanıb. O, 165, 170 və 176 kiloqramlıq çəkini başı üzərinə qaldıraraq qızıl medala sahib olub.
Təkanla qaldırmada da fərqlənən D.Dadaşbəyli ilk cəhddə 200 kiloqramı ram edib. Bu nəticə ona toplamda Avropa çempionluğu üçün yetərli olub. İkinci yanaşmasında 206 kiloqramı başı üzərinə rahatlıqla qaldıran atletimiz həm də təkanla qaldırma hərəkətində qızıl medal qazanıb.
Beləliklə, toplamda 382 kiloqram (176+206) nəticə göstərən Dadaş Dadaşbəyli yekun sıralamada Avropa çempionu adını qazanıb. Atletimiz bunadək yeniyetmələr və gənclər arasında Avropa birinciliklərinin gümüş mükafatçısı, Azərbaycan çempionu, “Zirvə Kuboku”nun sahibi və “Zirvə” İdman Klubunun dünya çempionatının üçqat qalibi idi.
Oxunub: 882
Oxşar xəbərlər
- Daha bir avtobus qəzası - Piyada öldü
- Daha bir yol yenidən qurulur
- Daha bir yaşlı insanı maşın vurub
- Daha bir piyada ölümü - `20 Yanvar`da
- Daha bir Nəqliyyat Mübadilə Mərkəzi yaradılıb
- Daha bir metro stansiyası təmirə bağlanır
- Daha 3 rayonda ASAN Xidmət açılacaq
- Daha bir ölkə səfirliyini Qüdsə köçürdü
- Daha bir küçə təmirə bağlanır
- Daha bir jurnalist vaxtsız vəfat etdi