10 dövlət əmlakına 49 sifariş verildi
16:52 13 Noyabr 2018
Əmlak Məsələləri Dövlət Komitəsi tərəfindən növbəti hərrac keçirilib.
Komitədən Femida.az-a verilən məlumata görə, hərraca çıxarılan əmlaklardan 10-u üzrə 49 sifariş verilib. Özəlləşməyə çıxarılan dövlət əmlaklarından 3 kiçik dövlət müəssisə və obyekti, 1 yarımçıq tikili, 6 nəqliyyat vasitəsi öz sahibini tapıb. Nəqliyyat vasitələrindən 5-i üzrə ümumilikdə 44 sifarişin verilməsi hərracda rəqabətli mühit yaradıb. Sifarişçilərin fəallığı "VAZ" markalı bu nəqliyyat vasitələrinin ilkin hərrac qiymətlərinin 2 dəfədən çox yüksəlməsinə səbəb olub.
Bakı şəhəri, Qaradağ rayonu, Lökbatan qəsəbəsindəki Əmlak kompleksinin ümumi faydalı sahəsi 1169 kv.m-dir. Bu kiçik dövlət müəssisəsi 2480 kv.m-lik torpaq sahəsi ilə birgə özəlləşdirilib.
Hərracda paytaxtın Xəzər rayonu, Mərdəkan qəsəbəsi, Yesenin küçəsində yerləşən mağaza da özəlləşdirilib. Ümumi faydalı sahəsi 88.5 kv.m olan bu dövlət əmlakı xidmət sahəsi üzrə sahibi üçün gəlirli ola bilər. Tovuz rayonu, Dönük Qırıqlı kəndindəki 10 saylı təsərrüfatlararası təmir səyyar mexaniki dəstənin isə ümumi faydalı sahəsi 1009.9 kv.m-dir.
Qeyd edək ki, cari il ərzində komitə tərəfindən ümumilikdə 195-ə yaxın hərrac keçirilib. Özəlləşdirilən 550-ə yaxın dövlət əmlakından 55-i rəqabətli mühitdə öz sahibini tapıb. Bu günə qədər 95-ə yaxın vətəndaş hərraca çıxarılan dövlət əmlakları üzrə elektron formada sifariş verib, 20-ə yaxını isə onlayn formada hərracda iştirak edib.
Femida.az
Oxunub: 426
Oxşar xəbərlər
- 102 tələbəyə Prezident təqaüdü verildi - Sərəncam
- 107 kq narkotikin ölkədən çıxarılmasının qarşısı alınıb
- 10 noyabrdan sonra 22 nəfər mina partlamasında ölüb
- 10 yaşlı Nərminin qətli ilə bağlı YENİ XƏBƏR
- 100 minə yaxın azərbaycanlının “Facebook”da şəxsi məlumatları oğurlanıb
- 102 nəfər prokurorluq orqanlarına işə qəbul imtahanından keçdi - SİYAHI
- 103 illik soyqırımı tarixinin qorunduğu yer - FOTOLAR
- 1000 ədəd qida əlavəsi yararsız çıxdı
- 100-dən çox ermənini məhv edən kəşfiyyat komandiri
- 100-dən çox taksi, 80-ə yaxın avtobus sürücüsü cərimələnib