Güləş üzrə Azərbaycan çempionatı keçiriləcək
20:09 05 Dekabr 2018
Dekabrın 18-dən 20-dək Bakı İdman Sarayında sərbəst və yunan-Roma güləşi üzrə böyüklər arasında ölkə çempionatı keçiriləcək.
Femida.az xəbər verir ki, Dünya Güləş Birliyinin (UWW) qaydalarına uyğun təşkil olunacaq yarışda 10 çəki (sərbəst - 57 kq, 61 kq, 65 kq, 70 kq, 74 kq, 79 kq, 86 kq, 92 kq, 97 kq, 125 kq, yunan-Roma - 55 kq, 60 kq, 63 kq, 67 kq, 72 kq, 77 kq, 82 kq, 87 kq, 97 kq, 130 kq) üzrə mükafatçılar müəyyənləşəcək.
Görüşlər hər gün saat 10:00-da başlayacaq. Yarımfinal və medallar uğrunda qarşılaşmalar saat 17:00-da start götürəcək. Turnirin açılış mərasimi dekabrın 19-da saat 16:30 başlayacaq.
Reqlamentə əsasən, ilk yarış günündə yunan-Roma güləşçiləri mübarizə aparacaq. Ertəsi gün bu növdə medal görüşləri keçiriləcək. Dekabrın 19-da sərbəst güləşçilərin mübarizəsinə də start veriləcək. Sərbəst güləşçilərin qızıl və bürünc medal uğrunda qarşılaşmaları isə dekabrın 20-də baş tutacaq.
Qeyd edək ki, çempionat "İdman Azərbaycan" telekanalı ilə canlı yayımlanacaq. Bakı İdman Sarayına giriş pulsuzdu.
Femida.az
Oxunub: 655
Oxşar xəbərlər
- Güləşçimiz dünya çempionatında bürünc medal uğrunda mübarizə aparacaq
- Güləşçimiz erməniyə qalib gələrək dünya çempionu oldu
- Güləşçimiz Zaur Əliyev Avropa çempionu oldu
- Güləşçimiz Avropa çempionu oldu - VİDEO
- Güləşçimiz ermənini məğlub etdi
- Güləş üzrə dünya çempionumuz Rusiyada faciəvi şəkildə öldü - FOTO
- Güləşçisi dünya ikincisi oldu
- Güləşçilərimiz Rusiyada iki medal qazanıblar
- Güləşçimiz yarımfinala yüksəlib
- Güləşçimiz erməni dünya çempionunu məğlub etdi