Azərbaycanda nə qədər qan xərçəngli xəstə var?
19:33 11 Dekabr 2017
"Azərbaycanda 2500-dən artıq xəstə qanın bədxassəli xəstəliyi diaqnozu ilə qeydiyyatdadır. Onlardan 300-ü uşaqdır".
Femida.az xəbər verir ki, bunu B. Eyvazov adına Elmi-Tədqiqat Hematologiya və Transfuziologiya İnstitutunun direktoru Zöhrə Əlimirzəyeva deyib.
O bildirib ki, leykozların diaqnostikası ilə bağlı bu il 6 000-dən çox laborator müayinə aparılıb: "Bütün bədxassəli şişlərdən ölüm hallarının 6-10%-ni məhz qanın bədxassəli xəstəlikləri təşkil edir. Leykozlar yoluxucu xəstəliklərlə yanaşı, 15 yaşa qədər olan uşaqlar arasında ölümün əsas səbəblərindən biridir".
Direktorun sözlərinə görə, son illər ölkədə hematoloji yardım göstərən tibb müəssisələrinin maddi-texniki bazası möhkəmləndirilib, müasir tibbi avadanlıqlarla təchizatı yaxşılaşdırılıb, kadr potensialı gücləndirilib.
Z. Əlimirzəyeva qeyd edib ki, 2017-ci ildə Dövlət Proqramı çərçivəsində yeni immunohistoloji müayinələrin aparılması üçün laboratoriya yaradılıb: "Laboratroriya ən müasir avadanlıq və reaktivlərlə təhciz olunub. İmmunohistokimyəvi müayinələrin köməkliyi ilə qanın bədxassəli xəstəliklərinin tam diferensial diaqnostikası, hədəf terapiyanın monitorinqi və xəstəliyin proqnozu müəyyən edilir. Artıq leykozların diaqnostikası məqsədi ilə xəstələrin başqa ölkələrə getməsinə ehtiyac qalmır".
Femida.az
Oxunub: 757
Oxşar xəbərlər
- Azərbaycanda 5541 əcnəbi tələbə təhsil alır
- Azərbaycanda rekord əməliyyat - 134 milyonluq
- Azərbaycandan Türkiyəyə gedən avtobus kül oldu
- Azərbaycanda zəlzələ oldu
- Azərbaycanda bu dövlət qurumunun əmlakı satışa çıxarıldı
- Azərbaycanda sürüşmə təhlükəsi - XƏBƏRDARLIQ
- Azərbaycanda yeni publik hüquqi şəxs yaradıldı
- Azərbaycanda seysmik aktivlik fon səviyyəsindədir
- Azərbaycanda daha bir bank çöküşdə
- Azərbaycanda hamı bu məşqçi nənədən danışır - VİDEO