İşçi ilə əmək müqaviləsi bağlamayanlar cərimələnəcək
13:39 18 Aprel 2019
İnzibati Xətalar Məcəlləsinin 192.1-ci maddəsinə əsasən, Azərbaycan Respublikasının Əmək Məcəlləsində nəzərdə tutulmuş qaydada əmək müqaviləsi hüquqi qüvvəyə minmədən işəgötürən tərəfindən fiziki şəxslərin hər hansı işlərin yerinə yetirilməsinə cəlb edilməsinə görə fiziki şəxslər 1000 manatdan 2000 manatadək, vəzifəli şəxslər 3000 manatdan 5000 manatadək, hüquqi şəxslər isə 20 min manatdan 25 min manatadək cərimə edilir.
Vergilər Nazirliyinin Media və kommunikasiya mərkəzindən Femida.az-a verilən məlumata görə, əgər yoxlama zamanı əmək müqaviləsi bildirişi olmadan 10 və daha çox işçi cəlb edilibsə, bu zaman Cinayət Məcəlləsinin tələblərinə müraciət edilir. Vergiödəyicisində eyni əməllər təkrar törədildikdə isə 3 ilədək müddətə azadlığın məhdudlaşdırılması və ya 3 ildən 7 ilədək müddətə azadlıqdan məhrumetmə ilə cəzalandırma tətbiq olunur. Yalnız bir dəfə Cinayət Məcəlləsi üzrə tələbləri pozan şəxs Azərbaycan Respublikasının Əmək Məcəlləsi ilə müəyyən edilmiş qaydada işçiləri ilə əmək müqaviləsi bağladıqda, habelə ödəməkdən yayındırılmış vergiləri, işsizlikdən sığorta və məcburi dövlət sosial sığorta haqlarını tamamilə ödədikdə cinayət məsuliyyətindən azad olunur.
Vergi yoxlamaları zamanı isə tətbiq edilən Vergi Məcəlləsinin 58.10-cu maddəsinə əsasən, Əmək Məcəlləsində nəzərdə tutulmuş qaydada əmək müqaviləsi hüquqi qüvvəyə minmədən işəgötürən tərəfindən fiziki şəxslərin hər hansı işlərin yerinə yetirilməsinə cəlb edilməsi yolu ilə onların gəlirlərinin gizlədilməsinə (azaldılmasına) şərait yaradıldığına görə, işəgötürənə hər bir belə şəxs üzrə təqvim ili ərzində bu cür hallara birinci dəfə yol verdikdə 2000 manat, ikinci dəfə yol verdikdə 4000 manat, üç və daha çox dəfə yol verdikdə isə 6000 manat məbləğində maliyyə sanksiyası tətbiq edilir.
Yalnız bir dəfə Cinayət Məcəlləsi üzrə tələbləri pozan şəxs Əmək Məcəlləsi ilə müəyyən edilmiş qaydada işçiləri ilə əmək müqaviləsi bağladıqda, habelə ödəməkdən yayındırılmış vergiləri, işsizlikdən sığorta və məcburi dövlət sosial sığorta haqlarını tamamilə ödədikdə cinayət məsuliyyətindən azad olunur.
Femida.az
Oxunub: 763
Oxşar xəbərlər
- İşçilərin məzuniyyət haqqı necə hesablanır?
- İşçilərin say həddi 30 faizədək azaldılır
- İşçi sayına məhdudiyyət tətbiq edilən sahələr - AÇIQLANDI
- İşçiləri əsassız yerə işdən çıxaranlar ciddi cəzalandırılacaq
- İşçi çalışdığı şirkətin pullarını oğurladı
- İşçinin əsas və əlavə məzuniyyətindən istifadə halı necə tənzimlənir?
- İşçi hansı hallarda işdən azad edilə bilər?
- İşçilərin hüquqlarının qorunmasına dair nəzarət sistemi yaradılır
- İşçiyə seksual hərəkətlər edən rəhbəri hansı cəza gözləyir? - Hüquqi yardım
- İşçi vəfat etdikdə müavinət ödənişi necə və kimə edilməlidir? - Hüquqi yardım