Qaradağda oğul araq almaq üçün ona pul verməyən anasını döyərək öldürdü
16:18 19 Aprel 2019
Qaradağ rayonunda anasını döyərək öldürməkdə təqsirli bilinən Cəmil İslamov Apellyasiya məhkəməsinə şikayət edib.
Femida.az xəbər verir ki, təqsirləndirilən şəxsin şikayəti ilə bağlı məhkəmə baxış iclası aprel ayının 23-də hakim Əmir Bayramovu sədrliyi ilə keçiriləcək.
Qeyd edək ki,Bakı Ağır Cinayətlər Məhkəməsində anasını döyə-döyə öldürməkdə təqsirli bilinən Cəmil İslamova hökm oxunub.
Hakim Mahmud Ağalarovun sədrliyi ilə keçirilən prosesdə məhkəmənin hökmü ilə Cəmil İslamov 17 il müddətinə azadlıqdan məhrum edilib.
Hadisə ötən il fevralın 25-də Qaradağ rayonunun Ələt qəsəbəsində baş verib. Qəsəbədə yaşayan 34 yaşlı Cəmil İslamov münaqişə zəminində anası, 1944-cü il təvəllüdlü Zərnişan Allahverən qızını İslamovanı döyüb. Belə ki, oğul əvvəlcə anasının başına taxta parçası ilə bir neçə dəfə zərbə endirib, ardınca isə qadını boğub. Zərərçəkmiş digər oğlunun köməkliyi ilə xəstəxanaya aparılıb, ancaq qadının xəsarətləri ağır olduğundan fevralın 26-da dünyasını dəyişib.
Cəmil İslamova Cinayət Məcəlləsinin 120.2.2-ci ( xuliqanlıq niyyəti ilə adam öldürmə) maddəsi ilə ittiham verilib. Məlum olub ki, içkili vəziyyətdə olan Cəmil yenidən içki içmək üçün anasından pul istəyib. Ancaq anası onda pul olmadığını deyəndə oğul taxta parçası ilə yaşlı qadını döyməyə başlayıb.
Oxunub: 376
Oxşar xəbərlər
- Qaradağda avtomobil yolu keçən kişini vurub
- Qaradağda yanğın, 5 nəfər təxliyə olunub
- Qaradağda 27 yaşlı gənci öldürən şəxs həbs edilib
- Qaradağda top mərmisi tapılıb (FOTO)
- Qaradağda zəncirvarı qəzada bir nəfər ölüb, 4 nəfər xəsarət alıb - RƏSMİ
- Qaradağda yük maşını dərəyə aşıb, ölən var
- Qaradağda avtomobil aşıb, xəsarət alan var
- Qaradağda "Aşura" mərasiminin təşkilatçı həbs edildi
- Qaradağda oğurluq edən kişi və qadın saxlanıldı
- Qaradağda "Mercedes" yandı