Biləsuvarda 73 yaşlı kişi arvadını bıçaqladı - Səbəbi QISQANCLIQ

14:19     02 May 2019

Biləsuvar rayon sakini qısqanclıq zəminində həyat yoldaşına bıçaqla çoxsaylı zərbələr vurub.

Femida.az ONA-ya istinadən xəbər verir ki, mayın 1-də Biləsuvar şəhər sakini, 1961-ci il təvəllüdlü Mirzəyeva Təzəgül Hüseynxan qızı bıçaq xəsarətləri alaraq Biləsuvar Mərkəzi rayon Xəstəxanasına daxil olub.

İlkin araşdırma zamanı müəyyən edilib ki, 1946-cı il təvəllüdlü Əhmədov Sahib Mustafa oğlu yaşadığı evin həyətində Təzəgül Mirzəyeva ilə mübahisə edərkən qısqanclıq zəminində bıçaqla bədən xəsarətləri yetirərək onu qəsdən öldürməyə cəhd edib. T. Mirzəyeva təcili tibbi yardım avtomobili ilə Biləsuvar rayon xəstəxanasına aparılıb, vəziyyətinin kafi olduğu bildirilir.

Hadisəni törədən Sahib Əhmədov saxlanılıb.

Faktla bağlı araşdırma gedir.

Açar sözlər:

Oxunub: 809