Ağsuda karantini pozan 4 nəfər həbs edildi - VİDEO
19:25 14 Aprel 2020
Ağsuda karantin rejimini kobud şəkildə pozaraq rayonu gizlin tərk etməyə cəhd edən şəxslər saxlanılıblar.
Femida.az xəbər verir ki, Ağsu Rayon Polis Şöbəsinin (RPŞ) əməkdaşları rayonun Şamaxı keçid məntəqəsində xidmət apararkən Ağsu sakinləri - 35 yaşlı Əsədov Xəqani Rafiq oğlunu və 28 yaşlı Cəbrayılov Elşən Namizəd oğlunu gizlincə meşə yolu ilə karantin rejimini kobud şəkildə pozaraq Şamaxı rayon ərzisinə keçmək istəyərkən onlara "Dayan" əmri verib.
Polisin "Dayan" əmrinə tabe olmayan həmin şəxslər saxlanılaraq, Ağsu RPŞ-nə gətiriliblər.
İlkin dirdirmə zamanı onlar karantin rejimini bilərəkdən pozduqlarını etiraf ediblər.
Bundan başqa, Ağsu-Kürdəmir keçid məntəqəsində "KamAZ" markalı yük maşınını idarə edən sürücü, Kürdəmir rayon sakini Qədiyev Sübhan Adil oğlu polisin "Saxla" əmrinə tabe olmayıb. Polis əməkdaşları dərhal yük maşınını saxlayıblar.
Araşdırma zamanı məlum olub ki, S.Qədiyev maşının yatacaq yerində gizlətdiyi həmyerlisi Mütəllimov Mənsur Gülağa oğlunu da Ağsu rayon ərazisinə keçirmək istəyib. Həmin şəxslər Ağsu RPŞ-nə gətirilib.
Hər 4 şəxs barəsində Ağsu RPŞ əməkdaşları tərəfindən İnzibati Xətalar Məcəlləsinin 211-ci maddəsinin müvafiq maddələrinə əsasən, 20 sutka həbs tətbiq olunub.
Hazırda Ağsu RPŞ əməkdaşları gücləndirilmiş iş rejimində xidmətlərini davam etdirir.
Oxunub: 915
Oxşar xəbərlər
- Ağsuda 59 yaşlı qadın itkin düşüb
- Ağsuda "məktəbdə bomba var” deyən şəxsə cinayət işi başlanılıb
- Ağsuda 5 il əvvəlki qətlə görə tutulanların sayı 3-ə çatıb
- Ağsuda 5 il əvvəlki qətlə görə tutulanların sayı 3-ə çatıb
- Ağsuda fermada çoban qardaşını bıçaqlayıb
- Ağsuda keçmiş məhkumdan “Kalaşnikov” avtomatı və narkotik vasitə aşkarlanıb
- Ağsuda 65 yaşlı kişini avtomobil vurub
- Ağsuda avtomobillər toqquşub, xəsarət alanlar var
- Ağsuda insident olub, sələmçi qardaşlar bıçaqlanıb
- Ağsuda bərbərxanada aşkarlanan koronavirus xəstəsinə cinayət işi açılıb