SOCAR-dan neftçilərin ailələrinə birdəfəlik yardım
01:43 25 Dekabr 2015
Azərbaycan Respublikası Dövlət Neft Şirkəti (SOCAR) itkin düşmüş neftçilərin ailələrinə birdəfəlik maddi yardımın verilməsinə başlayıb.
SOCAR-ın mətbuat xidmətindən bildirilib ki, Prezident İlham Əliyevin müvafiq Sərəncamının icrasını təmin etmək məqsədilə, dekabrın 4-də təbii fəlakət nəticəsində “Günəşli” yatağındakı 10 nömrəli dərin dəniz özülündə baş vermiş qəza zamanı həlak olan və itkin düşən SOCAR-ın əməkdaşlarının hər birinin ailəsinə dövlət tərəfindən 15 000 (on beş min) manat məbləğində birdəfəlik maddi yardım ödənilməsi qərara alınıb. Dekabrın 24-dən etibarən bu yardımların, eyni zamanda həmin gün “Neft Daşları”ndakı 501 nömrəli özüldə baş vermiş qəzada itkin düşən üç nəfər neftçinin ailəsinə SOCAR tərəfindən ayrılmış eyni məbləğdə birdəfəlik yardımların verilməsi prosesinə başlanılıb.
Maliyyə vəsaiti müvafiq idarələrin hesabına köçürülüb, həlak olan və itkin düşən şəxslərin ailə üzvləri ilə keçirilmiş görüşlər əsasında yardımın kimin adına sənədləşdirilməsi məsələsi aydınlaşdırılıb və müvafiq prosedurların həyata keçirilməsinə başlanılıb. Müəyyənləşdirilmiş şəxslərin adına bank hesabları açılması və yardımların həmin hesablara köçürülməsi prosedurları 5 gün ərzində başa çatdırılacaq.
Oxunub: 1044
Oxşar xəbərlər
- SOCAR-dan azərbaycanlıların həbsinə MÜNASİBƏT
- SOCAR-dan oğurluq edilib
- SOCAR-dan 20 milyonluq villa açıqlaması
- SOCAR-dan sərt bəyanat
- SOCAR-dan 20 milyonluq villa açıqlaması - RƏSMİ
- SOCAR-dan Xəzərin çirklənməsi ilə bağlı açıqlama
- SOCAR-dan yanğın açıqlaması gəldi - Qərargah nömrələri
- SOCAR-dan saxta iş təklifləri ilə bağlı xəbərdarlıq
- SOCAR-dan partlayışla bağlı AÇIQLAMA