İŞİD liderinin müavini öldürüldü
01:16 11 Yanvar 2016
İraq Hərbi-Hava Qüvvələrinin Anbar əyalətinə endirdiyi zərbə nəticəsində İŞİD terror qruplaşmasının liderinin müavini məhv edilib.
Femida.az xəbər verir ki, bu barədə İranın Press-TV telekanalı məlumat yayıb.
“İraq Hərbi-Hava Qüvvələrinin Anbar əyalətinin Barvani rayonuna endirdiyi zərbə nəticəsində İŞİD terror qruplaşmasının rəhbərliyində ikinci adam hesab edilən, başçı Əbu Bəkr Əl-Bağdadinin müavini Assi Əli Nasir Əl-Obeydi öldürülüb”, - deyə məlumatda bildirilir.
“Kərkük əyalətinin Havica şəhərindən olan İraq ordusunun keçmiş polkovniki Assi Əli Nasir Əl-Obeydi fərariliyə görə həbs edilərək bir müddət “Əbu-Qreyb” həbsxanasında saxlanılıb. 2013-cü ildə həbsxanadan qaçan Əl-Obeydi İŞİD-in komandirlərindən biri olaraq özünə Əbu Ömər əl Obeydi adı götürüb. O həmçinin İŞİD-in hərbi şurasına rəhbərlik edib”, - deyə telekanal vurğulayıb.
Yeri gəlmişkən, bundan əvvəl İraq hərbçiləri terror qruplaşmasının mətbuat katibi Məhəmməd əl-Ədnanini yaralanması barədə xəbər vermişdilər.
Oxunub: 1295
Oxşar xəbərlər
- İŞİD kilsəyə hücuma görə məsuliyyəti üzərinə götürdü
- İŞİD lideri ilə bağlı xəbər yalan çıxdı
- İŞİD lideri ABŞ-ın Suriyadakı hərbi bazasında saxlanılır
- İŞİD-ə qoşulmuş azərbaycanlıya hökm oxunub - 14 İL
- İŞİD-in mövqelərinə zərbələr endirilib
- İŞİD İraqdakı son dayaq nöqtəsini də itirdi
- İŞİD-ə qoşulan boksçu Suriyada öldürülüb
- İŞİD müftisi öldürüldü
- İŞİD İraqa 100 milyard dollar ziyan vurub
- İŞİD-in Suriyadakı obyektləri bombalandı