PKK-nın daha bir qadın lideri öldürüldü (FOTO)
14:38 04 Aprel 2016
Türkiyədə separatçı PKK terror təşkilatının lider heyətindən olan növbəti terrorçu qadın məhv edilib.
Femida.az xəbər verir ki, Yüksekova rayonunun qondarma məsul şəxsi Əməl Güclü cangüdəni ilə birlikdə insident zamanı öldürülüb.
Hadisə Türkiyənin Hakkari vilayətində PKK terrorçuları ilə təhlükəsizlik qüvvələri arasında meydana gələn atışma zamanı baş verib. Əməliyyatda iştirak edən hərbçilər bildirir ki, atışma vaxtı Yüksekovanın ən effektiv iki şəxsindən biri olan 26 yaşlı Əməl Güclü ilə yanaşı daha bir çox terrorçu məhv edilib.
Türkiyənin paytaxtı Ankaranın Haymana rayonunda 1990-cı ildə dünyaya gələn "Zilan" kod adlı Əməl Güclü Hakkari və Yüksekovada hərbi korteclərə qarşı törədilən bir çox terror aktını planlayan şəxs olub.
Türkiyə Daxili İşlər Nazirliyinin axtarışda olan terrorçular siyahısında "boz" kateqoriyasında olan Əməl Gücıünün başına 300 min lirə (162 000 AZN) mükafat qoyulmuşdu.
Ötən həftə Türkiyənin Hatay vilayətində də separatçı PKK terror təşkilatının qondarma Amanoslar üzrə məsul şəxsi "Məzlum Palu" kod adlı İ.D. adlı terrorçu təhlükəsizlik qüvvələri tərəfindən öldürülmüşdü.
Bundan əvvəl isə Türkiyədə PKK terror təşkilatının aktiv qadınlarından biri olan, terror qruplaşmasının aşağı qolu YPS-nin (Yekineyen Parastina Sivil - Mülki Müdafiə Birlikləri) qadın təşkilatının lideri Berivan Avesta öldürülmüşdü.
Oxunub: 1272
Oxşar xəbərlər
- PKK-nın yüksək vəzifəli terrorçusu öldürüldü
- PKK-nın 7 terrorçusu məhv edilib
- PKK-nın İran əsilli üzvü tutuldu
- PKK-nın 5 sığınacağı məhv edildi
- PKK-nın xain hücumu - Hamilə qadın yaralandı
- PKK-nın edam etdirdiyi terrorçu qadınlar
- PKK-nın ən təhlükəli mina mütəxəssisi öldürülüb
- PKK-nın bölgə üzrə lideri öldürüldü
- PKK-nın Bakıdakı bayram şənliyi ilə bağlı şadlıq evindən açıqlama (ÖZƏL)
- PKK-nın məşhur liderləri biabır oldu