Ərdoğan Azərbaycanla əməkdaşlıqdan danışdı
16:06 20 May 2016
“TANAP-la nəql olunacaq qaz Türkiyənin tələbatının böyük hissəsinin ödənilməsinə xidmət edəcək. Hazırda biz 6-7 milyard kubmetr qaz alırıq. Təbii ki, bu, bizim üçün yetərli deyil. Biz bu həcmi 20-30 milyard kubmetrə çatdırmalıyıq”.
Femida.az Türkiyə mətbuatına istinadən xəbər verir ki, bunu ötən gün gənclərlə görüşü zamanı Türkiyə prezidenti Rəcəb Tayyib Ərdoğan deyib. Onun sözlərinə görə, TANAP layihəsi üzrə işlər sürətləndirilib:
“İnşaat işləri də sürətlə aparılır. Layihənin reallaşması ilə biz qaza olan ehtiyacımızı tam ödəyəcəyik. Bununla yanaşı, Avropaya da qaz nəql olunacaq. Azərbaycan ilə enerji sahəsində layihələri, əməkdaşlığı davam etdirəcəyik”.
Bakı-Tbilisi-Qars layihəsindən də danışan Ərdoğan deyib ki, bu layihə Azərbaycan, Gürcüstan və Türkiyə arasında çox önəmli bir layihədir:
“Bu ilin sonunda açılışı olacaq dəmiryolu bizim əməkdaşalığımızı daha da möhkəmləndirəcək. Bundan sonra da İpək Yolu layihəsi həyata keçiriləcək. Bu boru xətti Azərbaycan-Gürcüstan-Türkiyə ərazisindən keçməklə tikintisi davam etdirilən TAP qaz boru xəttinə qoşulacaq.
2020-ci ildə kəmərin buraxılış qabiliyyəti ildə 16 mlrd, 2023-cü ildə 23 mlrd, 2026-cı ildə isə 31 mlrd. kubmetrə çatdırılacaq. İlk dövrdə TANAP kəməri ilə nəql olunacaq 16 mlrd. kubmetr Azərbaycan qazının 10 mlrd. kubmetri Avropaya, 6 mlrd. kubmetri isə Türkiyəyə satılacaq”.
Femida.az
Oxunub: 2280
Oxşar xəbərlər
- Ərdoğandan fransız jurnalistə SƏRT CAVAB
- Ərdoğan Parisdə tarixi razılaşma imzaladı
- Ərdoğan Fransaya, Çavuşoğlu Almaniyaya gedir
- Ərdoğan Həsən Ruhaniyə zəng edib
- Ərdoğan: “Bəşər Əsəd terrorçudur“
- Ərdoğana hücum oldu - VİDEO
- Ərdoğan Əliyevə zəng etdi
- Ərdoğan Putinə zəng etdi - Təşəkkür üçün
- Ərdoğan Qüds məsələsinə bu foto ilə reaksiya verdi
- Ərdoğandan Trampa sərt cavab: “İradənizi dollara satmayın“