Azay Quliyev Ərdoğanla görüşəcək
00:42 13 Avqust 2016
Milli Məclisin deputatı, ATƏT Parlament Assambleyasının vitse-prezidenti Azay Quliyev qurumun sədri Kristine Muttonenin başçılıq etdiyi nümayəndə heyətinin tərkibində avqustun 15-18-də Türkiyənin Ankara və İstanbul şəhərlərində səfərdə olacaq.
Parlamentin mətbuat xidmətindən Femida.az-a bildiriblər ki, səfər iyulun 15-də Türkiyədə hərbi çevrilişə cəhd nəticəsində yaranmış vəziyyətlə tanış olmaq məqsədilə həyata keçirilir.
Nümayəndə heyətinin Türkiyə Prezidenti Rəcəb Tayyib Ərdoğan, Türkiyə Böyük Millət Məclisinin sədri İsmayıl Qəhrəman, Baş nazir Binəli Yıldırım, xarici işlər naziri Mövlud Çavuşoğlu ilə görüşləri nəzərdə tutulub.
Qurumun təmsilçiləri, həmçinin Türkiyə Böyük Millət Məclisində təmsil olunan siyasi partiya rəhbərləri və deputatları ilə görüşlər keçirəcək, qarşılıqlı maraq doğuran məsələlər barədə fikir mübadiləsi aparacaqlar. Daha sonra Türkiyənin aparıcı mətbuat nümayəndələri, qeyri-hökumət təşkilatları və Türkiyədə akkreditə olunmuş diplomatik korpusun rəhbərləri ilə görüşlər keçiriləcək.
Səfər avqustun 19-da başa çatacaq.
Femida.az
Oxunub: 1710
Oxşar xəbərlər
- Azay Quliyev Moskvaya gedir - Nümayəndə heyəti ilə birgə
- Azay Quliyevdən təklif: Səfirliklərimizin maliyyə problemi var
- Azay Quliyev `Azadlıq` qəzetinə cavab verdi
- Azay Quliyev Astanaya gedəcək
- Azay Quliyev Türkiyəyə gedir
- Azay Quliyev Berlinə gedir
- Azay Quliyev Sülh Platforması ilə bağlı çağırış etdi
- Azay Quliyev seçiciləri ilə görüşdü - FOTOLAR
- Azay Quliyev prezidentlə görüşdü
- Azay Quliyev Monteneqroda seçkiləri izləyəcək