Rəsmi Bakıdan “Chatham House”a etiraz
23:00 04 İyul 2015
Azərbaycanın Ermənistan tərəfindən işğal olunmuş ərazilərində yaradılmış qondarma separatçı rejimin başçısı kimi özünü təqdim edən Bako Saakyan adlı şəxsin iştirakı ilə “Chatham House - Kral Beynəlxalq Münasibətlər İnstitutu”nda 8 iyul 2015-ci keçirilməsi nəzərdə tutulan tədbirlə bağlı Azərbaycanın bu ölkədəki səfirliyi tərəfindən “Chatham House” institutuna etiraz məktubu ünvanlanıb və müvafiq görüş keçirilib.
Azərbaycan Xarici İşlər Nazirliyinin (XİN) mətbuat xidmətindən Femida.az - a verilən məlumata görə, “Chatham House - Kral Beynəlxalq Münasibətlər İnstitutu”nun rəhbərliyi tərəfindən səfirliyə göndərilmiş cavab məktubunda belə bir görüşün təşkilinin heç bir halda qondarma "Dağlıq Qarabağ”ın mövqeyinin təsdiqi və ya tanınması mənası daşımadığı vurğulanır. B.Saakyanın səfəri ilə əlaqədar Azərbaycanın narahatlığının başa düşüldüyü qeyd olunaraq, "Chatham House"un Azərbaycanın suverenliyinə və müstəqilliyinə hörmətlə yanaşdığı bildirilir.
Məktubda bu görüşün KİV-in iştirakı ilə ictimai tədbir xarakteri daşımadığı, yalnız institutun məhdud sayda ekspertlərinin iştirakı ilə “Chatham House qaydaları” əsasında təşkil ediləcəyi qeyd olunaraq, heç bir halda separatizm məramlarının təşviqinə xidmət etmədiyi diqqətə çatdırılır.
Habelə bu tədbirin məhdud çərçivədə keçiriləcəyini nəzərə alaraq, onun barədə "Chatham House"un internet saytında verilmiş elanın da çıxarıldığı məktubda qeyd olunur.
Oxunub: 967
Oxşar xəbərlər
- Rəsmi Bakı Rusiya ilə münasibətlərdən razıdır
- Rəsmi Tbilisi Saakaşvilinin ekstradisiyasını istəyir
- Rəsmi Bakı erməni icması ilə dialoqu dəstəkləyir
- Rəsmi Bakıdan Qüds qalmaqalı ilə bağlı AÇIQLAMA
- Rəsmi Bakıdan Fransaya sərt etiraz - Səfir XİN-ə çağrıldı
- Rəsmi: Danışmağa görə cərimə yoxdur - VİDEO
- Rəsmi Pxenyan Trampı “dəli amerikalı qoca” adlandırıb
- Rəsmi Bakı İsrail-Fələstin münaqişəsi ilə mövqeyini açıqladı
- RƏSMİ: `Erməni lobbisi Azərbaycan Prezidentinə, onun ailəsinə qarşı çirkin kampaniya aparır`
- Rəsmi Bakıdan ÜAK-ın ləğvi ilə bağlı növbəti AÇIQLAMA