Çexiya bu il miqrant qəbul etməyəcəyini açıqlayıb
02:14 29 Avqust 2016
Çexiya bu il Avropa Birliyi və rəsmi Ankara arasında əldə edilən razılaşmaya əsasən Türkiyədəki qaçqın düşərgələrindən 80 qaçqını qəbul etməli olsa da, bu addımı atmır.
APA-nın “RİA Novosti” agentliyinə istinadən verdiyi məlumata görə, bunu bu gün Çexiya daxili işlər naziri Milan Xovanets açıqlayıb.
M. Xovanets deyib ki, bunun səbəbi Çexiya xüsusi xidmət orqanlarının miqrantları hərtərəfli yoxlaması ilə əlaqədardır: “Bu isə az vaxt tələb etmir. Yəqin ki, təhlükəsizlik nöqteyi-nəzərindən qaçqınların dərindən yoxlanılması prosesi ilin sonuna qədər başa çatmayacaq. Ona görə də ehtimal etmək olmaz ki, ilin sonuna qədər Çexiya hər hansı miqrantı qəbul edəcək. Avropa Birliyi və Türkiyə arasındakı razılaşmaya əsasən Çexiya 3 il ərzində 3 minə qədər qaçqın qəbul etməlidir”.
Çexiya daxili işlər naziri Almaniyanın nəzarətsiz qeyri-leqal miqrantları qəbul etməsini “fəlakətli” adlandırıb və bu halın Çexiyada baş verməyəcəyini vurğulayıb: “Miqrantlar bildir ki, Çexiyada Avropa qanunları hökm sürür və onlar qanunsuz sərhədi keçsələr, dərhal həbsxanaya düşəcəklər”.
Oxunub: 858
Oxşar xəbərlər
- Çexiyanın XİN rəhbəri qəzaya düşüb
- Çexiya senatorları Azərbaycana gəlir
- Çexiya dövlət katibi Azərbaycana gəldi
- Çexiya XİN erməni yalanlarını üzə çıxardı
- Çexiyanın Azərbaycandakı səfiri XİN-nə çağırılacaq
- Çexiya təşkilatı Sülh Platformasına qoşulub
- Çexiyada zavodda partlayışlar - Xəsarət alanlar var
- Çexiyalı terrorçuluqda ittiham olundu
- Çexiya ilə memorandum imzalanacaq
- Çexiya yığması Azərbaycanla oyuna itki ilə çıxacaq