Yanan binaya görə tutulanların məhkəməsi olub
22:30 06 Sentyabr 2016
Bakı Ağır Cinayətlər Məhkəməsində Bakının Xətai rayonu ərazisində çoxmərtəbəli yaşayış binasında baş verən yanğınla bağlı təqsirləndirilən Fərid Sadıqov, Zaur Əşrəfov və Nüsrət Muxtarovun cinayət işi üzrə məhkəmə prosesi davam etdirilib.
APA-nın məlumatına görə, hakim Eldar İsmayılovun sədrliyi ilə keçirilən prosesdə zərərçəkmiş şəxslər ifadə veriblər.
Məhkəmə prosesi sentyabrın 20-də davam edəcək.
Qeyd edək ki, ötən il aprelin 10-da Xətai rayonu, Zığ yolu küçəsi 16 saylı ünvanda “TNH” şirkəti tərəfindən fasadında “poliuretan” materialla üzləmə işləri aparılan doqquzmərtəbəli yaşayış binasında ağır nəticələrə səbəb olan yanğın qeydə alınıb.
Faktı üzrə Baş Prokurorluğun Ağır Cinayətlərə Dair İşlər üzrə İstintaq İdarəsində Cinayət Məcəlləsinin müvafiq maddələri ilə cinayət işi başlanıb. “TNH” şirkətinin fəaliyyətinə və görülən işlərə faktiki rəhbərliyi həyata keçirən Fərid Sadıqov, şirkətin direktoru Zaur Əşrəfov, şirkət direktorunun tikinti işləri üzrə müavini Nüsrət Muxtarov həbs edilib.
Xatırladaq ki, təqsirləndirilən Nüsrət Muxtarov təcridxanada dünyasını dəyişib. Məhkəmədə onun hüquqi varisi Asif Muxtarov iştirak edir.
Oxunub: 1171
Oxşar xəbərlər
- Yanan binaya görə təqsirləndirilən şəxslərdən biri azadlığa buraxıldı
- Yanan mənzilə görə dövlət orqanlarının öhdəliyi
- Yanan yataqxana ilə bağlı prezidentə məlumat verilib
- Yanan binayla bağlı iş geri qaytarıldı - Yenidən baxılacaq
- Yanan binaya görə tutulanlara bəraət istənildi
- Yanan bina ilə bağlı məhkəmə istintaqı yekunlaşdı
- Yanan binayla bağlı şahid ifadə verdi
- Yanan bina ilə bağlı məhkəmə olub
- Yanan `Sədərək`dən son xəbər - (Yenilənib) FOTOLAR
- Yanan binaya görə həbs edilən sabiq məmur komaya düşüb