Məhkəmədə dava düşdü - Proses dayandı
17:19 07 Sentyabr 2016
Bu gün Bakı Ağır Cinayətlər Məhkəməsində quldurluqda təqsirləndirilən Ramin Ayvazov və Hüseyn Rəhmanovun cinayət işi üzrə məhkəmə prosesi keçirilib.
APA-nın məlumatına görə, hakim Rahib Salmanovun sədrliyi ilə keçirilən prosesdə təqsirləndirilən şəxslər özlərini təqsirli bilməyiblər.
Prosesdə zərərçəkmiş Teymur Cəlilov ifadə verib. T. Cəlilov həmin şəxslərin ondan pul tələb etdiklərini, hədə-qorxu gəldiklərini deyib.
Zərərçəkmişin ifadəsi təqsirləndirilən şəxslər tərəfindən etirazla qarşılanıb.
Onlar prosesdə səs-küy salıb, qalmaqal yaradıb və zərərçəkmişlə mübahisə ediblər. Lakin Pentinensiar Xidmətin əməkdaşları və məhkəmə mühafizəçilərinin səyi nəticəsində onlar zaldan çıxarılıb.
Buna görə məhkəmə prosesi dayandırılıb.
Proses sentyabrın 16-da davam etdiriləcək.
Qeyd edək ki, ötən il dekabrın 15-dən 16-na keçən gecə Səbail rayonu ərazisində yaşayan Teymur Cəlilovun evindən məişət əşyaları oğurlanıb. Dekabrın 17-də şəxsiyyəti məlum olmayan 2 nəfər Teymur Cəlilovu bıçaqla hədələyiblər və onun mobil telefonunu alıblar.
Səbail Rayon Polis İdarəsinin 9-cu Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində hadisəni törətmiş paytaxt sakinləri Ramin Ayvazov və əvvəllər məhkum olunmuş Hüseyn Rəhmanov tutulublar.
Oxunub: 1460
Oxşar xəbərlər
- Məhkəmədə şok - Hökm oxunan general zəhər içdi (VİDEO)
- Məhkəmədə hakimin halı pisləşdi
- Məhkəmədə ekspertlər ifadə verdi - Fikrət Qocanın oğlunun qətli ilə bağlı
- Məhkəmədə gərginlik: Dustağın ürəyi getdi
- Məhkəmədə dava - Qadınlar saçyolduya çıxdı
- Məhkəmədən ərini öldürən qadına BƏRAƏT
- Məhkəmədən quldurlara AĞIR CƏZA
- Məhkəmədə son sözünü dedi - `Nardaran işi`
- Məhkəmədən Sevinc Babayevanın oğluna ağır cəza
- Məhkəmədə telefon danışığı dinləniləcək