AŞPA Azərbaycana müşahidəçilər göndərir
14:00 21 Sentyabr 2016
Avropa Şurası Parlament Assambleyası (AŞPA) sentyabrın 26-da Azərbaycanda keçiriləcək referendumu izləmək üçün 7 nəfərdən ibarət qiymətləndirici missiya göndərəcək.
AŞPA-nın mətbuat xidmətindən Femida.az-a daxil olan məlumata görə, müşahidə missiyası Azərbaycan hökumətinin dəvəti ilə ölkəmizə gələcək.
Nümayəndə heyətinə Aleksandr Nikoloski (Makedoniya) başçılıq edəcək.
Nümayəndə heyətinin tərkibinə bu şəxslər daxildir:
Andrea Riqoni (İtaliya)
Yanaki Stoylov (Bolqarıstan)
Antonio Qutyerres (İspaniya)
Dominik Tarjinski (Polşa)
Ştefan Şennax (Avstriya), Azərbaycan üzrə Monitorinq Komitəsinin həmməruzəçisi
Sezar Florin Preda (Rumıniya), Azərbaycan üzrə Monitorinq Komitəsinin həmməruzəçisi.
Azərbaycana səfər zamanı nümayəndə heyətinin Azərbaycan Prezidenti İlham Əliyev, Milli Məclisin sədri Oqtay Əsədov, Mərkəzi Seçki Komissiyasının sədri Məzahir Pənahov, Azərbaycanın AŞPA-dakı nümayəndə heyətinin üzvləri, həmçinin vətəndaş cəmiyyəti və KİV nümayəndələri ilə görüşləri planlaşdırır.
Referendum günü nümayəndə heyətinin üzvləri seçki məntəqələrində olacaqlar.
AŞPA nümayəndə heyətinin rəhbəri sentyabrın 27-də Bakıda keçirəcəyi mətbuat konfransında referendumun monitorinqininin nəticələrinə dair öz fikirlərini açıqlayacaq.
Femida.az
Oxunub: 1080
Oxşar xəbərlər
- AŞPA-nın yeni prezidenti seçilib
- AŞPA həmməruzəçiləri Oqtay Əsədovla görüşüb
- AŞPA həmməruzəçiləri Bakıya gəlir
- AŞPA həmməruzəçiləri Bakıya gəlir
- AŞPA həmməruzəçiləri Azərbaycanı müzakirə edəcək
- AŞPA həmməruzəçiləri Azərbaycana gələcək
- AŞPA-da Kəlbəcər girovları ilə bağlı məsələ qaldırıldı
- AŞPA-nın yay sessiyası başlayır
- AŞPA həmməruzəçisi ilə görüş keçirilib - Ombudsman aparatında
- AŞPA həmməruzəçiləri Bakıya gəlir - Mühüm görüşlər olacaq